ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |

នាយឧត្តមសេនីយ៍ គៀង សាវុធ ចេញមុខបដិសេធ ករណីបាញ់បោះជាច្រើនគ្រាប់នៅចំការតែភ្នំគិរីរម្យ

  • ចុះផ្សាយថ្ងៃទី១៤ ខែវិច្ឆិកា ឆ្នាំ២០២៣ ម៉ោង ១៧:៥៤ នាទី ដោយ EAC News
  • 1647
  Aa |   aA

កំពង់ស្ពឺ៖ តាមរយៈសារសម្លេងដែលត្រូវបានផ្សព្វផ្សាយតាមបណ្តាញសង្គមនៅថ្ងៃទី១៤ ខែវិច្ឆិកា ឆ្នាំ២០២៣ នេះ អគ្គមេបញ្ជាការងនៃកងយោធពលខេមរភូមិន្ទ លោក គៀង សាវុធ បដិសេធ ករណីបាញ់បោះជាច្រើនគ្រាប់ ដែលថាពាក់ព័ន្ធនឹងលោក និងកូនប្រុសនៅចំការតែភ្នំគិរីរម្យ។

លោក គៀង សាវុធ បានអះអាងថា៖ «ការបាញ់បោះនៅចំការតែលើភ្នំគីរីរម្យ មិនមានឈ្មោះ គៀង សាវុធ មិនមានឈ្មោះ គៀង ចាន់តួ ទេ។ ហើយបើតាមដានទៅឃើញពិតប្រាកដ ខ្ញុំសូមអះអាងចំពោះមុខច្បាប់ថា ទី១. គឺទទួលខុសត្រូវចំពោះមុខច្បាប់ អាចបកស័ក្តិចេញទាំងពីរនាក់ឪកូន។ ទី២. ចាប់ដាក់ពន្ធនាគារទាំងពីរនាក់ឪកូន»។

ជាមួយគ្នានេះ លោក គៀង សាវុធ បានបន្តថា រាល់ព័ត៌មានទាំងអស់ដែលចុះបំភ្លើសការពិត លោកស្នើឱ្យកែតម្រូវឡើងវិញក្នុងរយៈពេលមួយសប្តាហ៍ បើមិនដូច្នេះទេ លោកនឹងប្តឹងទៅតាមផ្លូវច្បាប់។

គួរឱ្យដឹងដែរថា កាលពីយប់ថ្ងៃទី១២ ខែវិច្ឆិកា ឆ្នាំ២០២៣ មានករណីចាក់ធុងបាស់ បាញ់បោះ ហ៊ោកញ្ជៀវនៅចម្ការតែលើភ្នំគិរីរម្យ ដោយសមត្ថកិច្ចបានចុះទៅពិនិត្យ និងរើសបានសំបកអាវុធខ្លីចម្រុះចំនួន ១១២គ្រាប់ គ្រាប់ M១៦ ចំនួន ៣៦គ្រាប់ និងគ្រាប់ ៥៥គ្រាប់ ផ្សេងទៀតមិនស្គាល់ម៉ាក៕


ព័ត៌មានជាច្រើនទៀតសម្រាប់អ្នក