បន្ទាយមានជ័យ៖ ប្រឡងបាក់ឌុបឆ្នាំ២០២៣ បេក្ខជនក្នុងបញ្ជីមានចំនួន ៦ ១៦៨នាក់ បើប្រៀបធៀបឆ្នាំ២០២២ មានចំនួន ៥ ៧៦០នាក់ កើនឡើង ៤០៨នាក់។ នេះបើតាមការបញ្ជាក់ពីលោក ឈូ ប៊ុនរឿង ប្រធានមន្ទីរអបរំ យុវជន និងកីឡាខេត្តបន្ទាយមានជ័យ។
លោក ឈូ ប៊ុនរឿង បានបន្តថា ឆ្នាំ២០២៣ នេះនៅក្នុងខេត្តបន្ទាយមានជ័យ មានមណ្ឌលប្រឡងចំនួន ៨មណ្ឌល មាន ២៤៧បន្ទប់ ក្នុងនោះថា្នក់វិទ្យាសាស្ត្រ មាន ៣មណ្ឌល ៨១បន្ទប់។ ថ្នាក់វិទ្យាសាស្ត្រសង្គម មាន ៥មណ្ឌល មាន ១៦៦បន្ទប់។
ប្រធានមន្ទីរអប់រុំរូបនេះបញ្ជាក់ថា បេក្ខជនដែលមានឈ្មោះក្នុងបញ្ជី ៦ ១៦៨នាក់ ក្នុងនោះស្រី ៣ ៣៧៧នាក់។ ពោលនៅឆ្នាំ២០២៣ នេះមានការកើនឡើង ១៤បន្ទប់ បេក្ខជនមានការកើនឡើង ៤០៨នាក់។
គួរបញ្ជាក់ដែរថា សម្រាប់ការប្រឡងសញ្ញាបត្រមធ្យមសិក្សាទុតិយភូមិរយៈពេល ២ថ្ងៃ គឺថ្ងៃទី៦-៧ ខែវិច្ឆិកា ឆ្នាំ២០២៣ មានមណ្ឌលប្រឡងសរុប ២២៧មណ្ឌល ត្រូវជា ៥ ៥៤៣បន្ទប់ បេក្ខជនចុះឈ្មោះប្រឡងសរុប ១ ៣៧៤ ១២នាក់ ក្នុងនោះ ស្រី ៧៣ ២៧៨នាក់។
គណៈមេប្រយោគ និងគណៈកម្មការផ្សេងៗដែលត្រូវចូលរួមក្នុងដំណើរការប្រឡងគ្រប់ដំណាក់កាលសរុប ២៩ ៥២៥នាក់ ក្នុងនោះ ថ្នាក់ក្រសួង ៤ ១២៦នាក់ និងថ្នាក់រាជធានីខេត្តចំនួន ២៥ ៣៩៩នាក់៕
