សៀមរាប៖ គិតចាប់ពីខែមករា ដល់ខែតុលា ឆ្នាំ២០២៣នេះ រមណីយដ្ឋានអង្គរ ទទួលបានភ្ញៀវទេសចរអន្តរជាតិប្រមាណជិត ៦សែននាក់ និងទទួលបានប្រាក់ចំណូលជាង ២៨លានដុល្លារ កើនឡើងជាង ៣១២,៣៥ភាគរយធៀបនឹងរយៈពេលដូចគ្នាកាលពីឆ្នាំមុន។
យោងតាមសេចក្តីប្រកាសព័ត៌មានរបស់ គ្រឹះស្ថានអង្គរនៅថ្ងៃពុធ ទី១ ខែវិច្ឆិកា ឆ្នាំ២០២៣ បានបញ្ជាក់ថា រយៈពេល ១០ខែ ឆ្នាំ២០២៣ រមណីយដ្ឋានអង្គរ ទទួលបានភ្ញៀវអន្តរជាតិសរុប ៦០២ ៥៧០នាក់ ដែលរកប្រាក់ចំណូលបាន ២៧ ៨៨២ ៤៣៥ដុល្លារអាមេរិក។
គ្រឹះស្ថានអង្គរបានឱ្យដឹងទៀតថា ក្នុងខែតុលា ឆ្នាំ២០២៣ ការលក់សំបុត្រចូលទស្សនា រមណីយដ្ឋានអង្គរ សម្រេចបានជិត ៦៣ ០០៩សំបុត្រ ដោយផ្តល់ចំណូលជាង ២ ៩២៧ ០៣៨ដុល្លារ ដុល្លារដុល្លារអាមេរិក កើនឡើងជាង ១០៩,០៩ភាគរយ បើធៀបនឹងខែតុលា ឆ្នាំ២០២២៕
ព័ត៌មានជាច្រើនទៀតសម្រាប់អ្នក
