នាយករដ្ឋមន្រ្តីជប៉ុនសន្យាផ្តល់ដើមសាគូរ៉ា ២៥០ដើមដល់សហរដ្ឋអាមេរិកដើម្បីរឹតចំណងមិត្តភាព | នាយករដ្ឋមន្រ្តីចេញអនុក្រឹត្យបញ្ចប់មុខតំណែងមេបញ្ជាការកងរាជអាវុធហត្ថ ៤ខេត្ត និងតែងតាំងមុខតំណែងមេបញ្ជាការអាវុធហត្ថខេត្តចំនួន ៥ | នាយករដ្ឋមន្រ្តីចេញអនុក្រឹត្យតែងតាំង និងផ្លាស់ប្តូរមុខតំណែងនាយទាហានចំនួន ៦រូប | រណ្ដាប់ទទួលទេវតាឆ្នាំថ្មី | ប្រធានព្រឹទ្ធសភាកម្ពុជា រំលឹកខួបលើកទី៤៩ នៃការរបួសរហូតពិការភ្នែកម្ខាង អំពាវនាវបន្តថែរក្សាសន្តិភាព |

កម្ពុជាកំពុងសិក្សាស្រាវជ្រាវពីការអនុញ្ញាតឱ្យប្រើប្រាស់ «សារធាតុស៊ុលហ្វីត» ក្នុងទឹកត្នោត និងស្ករត្នោត

ភ្នំពេញ៖ អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) នៃក្រសួងពាណិជ្ជកម្ម នាថ្ងៃទី៣០ ខែតុលា ឆ្នាំ២០២៣ បានបើកសិក្ខាសាលាស្តីពីការសិក្សាស្រាវជ្រាវអំពីការប្រើប្រាស់សារធាតុស៊ុលហ្វីតក្នុងទឹកត្នោត និងស្ករត្នោតប្រកបដោយសុវត្ថិភាពស្របតាមស្តង់ដារកូដិច។

សិក្ខាសាលានេះ ធ្វើឡើងសម្រាប់មន្ត្រីសាខាក.ប.ប. រាជធានី-ខេត្ត គោលដៅចំនួន៨ ឱ្យក្លាយជាគ្រូបង្គោលដើម្បីណែនាំបន្តដល់អ្នកឡើងត្នោត និងអ្នកផលិតស្ករត្នោត។

ក្រសួងពាណិជ្ជកម្ម បានគូសបញ្ជាក់ថា សិក្ខាសាលានេះរៀបចំឡើងមិនមានគោលបំណងជំរុញឱ្យអ្នកឡើងត្នោត និងអ្នកផលិតស្ករត្នោតប្រើប្រាស់សារធាតុគីមីក្នុងទឹកត្នោត និងស្ករត្នោតឡើយ។ ពោលធ្វើឡើងក្នុងគោលបំណងចង់ណែនាំឱ្យប្រើប្រាស់សារធាតុស៊ុលហ្វីតតាម «កម្រិតកំណត់ណាមួយ» ដែលមិនប៉ះពាល់ដល់សុខភាពអ្នកប្រើប្រាស់។

ក.ប.ប.នៃក្រសួងពាណិជ្ជកម្ម រៀបចំសិក្ខាសាលានេះឡើង ក៏ព្រោះតែកត់សម្គាល់ថា អ្នកផលិតស្ករត្នោតមិនអាចអនុវត្តតាមវិធីសាស្ត្របែបប្រពៃណីបុរាណបាន ទើបងាកមកប្រើប្រាស់សារធាតុស៊ុលហ្វីតក្នុងទឹកត្នោត និងស្ករត្នោតជំនួសវិញ។

នាយកដ្ឋានមន្ទីរពិសោធន៍ នៃអគ្គនាយកដ្ឋាន ក.ប.ប. នឹងធ្វើតេស្តរកសារធាតុស៊ុលហ្វីតក្នុងទឹកត្នោត និងស្ករត្នោត ដែលបានយកគំរូនិងបញ្ជូនមកពីបណ្ដាសាខា ក.ប.ប. រាជធានី-ខេត្ត៕



ព័ត៌មានជាច្រើនទៀតសម្រាប់អ្នក