ម៉ិកស៊ិក៖ សមាជិកសភាម៉ិកស៊ិកបានស្តាប់សក្ខីកម្មនៅក្នុងសវនាការវិសាមញ្ញមួយដែលបង្ហាញពីព្រឹត្តិការណ៍សភាលើកដំបូងរបស់ប្រទេសអាមេរិកឡាទីនលើ UFO ថា «យើងមិននៅម្នាក់ឯងទេ» នៅក្នុងសកលលោក ហើយបានឃើញអដ្ឋិធាតុដែលគេចាត់ទុកថាមិនមែនជាមនុស្ស។

នៅក្នុងសវនាការកាលពីថ្ងៃអង្គារ លើ FANI អក្សរកាត់ជាភាសាអេស្ប៉ាញ ដែលជាធម្មតាហៅថា បាតុភូតអនាមិកមិនស្គាល់អត្តសញ្ញាណ (UAP) អ្នកនយោបាយត្រូវបានបង្ហាញវត្ថុបុរាណពីរដែលអ្នកកាសែតម៉ិកស៊ិកនិងជាអ្នកចូលចិត្ត UFO យូរយារណាស់មកហើយ លោក Jaime Maussan បានអះអាងថាជាសាកសពរបស់មនុស្សក្រៅភព។

លោក Maussan បាននិយាយថា សំណាកទាំងនោះមិនទាក់ទងទៅនឹងជីវិតណាមួយនៅលើផែនដីនោះទេ។

គួរឱ្យដឹងដែរថា មនុស្សក្រៅភព ឬជាទូទៅគេហៅថា អេលៀនចំនួន២នេះ ត្រូវបានគេប្រទះឃើញនៅប្រទេសប៉េរ៉ូ កាលពីឆ្នាំ ២០១៧ ដោយអ្នកវិទ្យាសាស្ត្របានបញ្ជាក់ថា វាមានអាយុកាលប្រមាណ ១ពាន់ឆ្នាំ។ សាកសពនេះ មានកំពស់ប្រហែល ៥០សង់ទីម៉ែត្រ មានក្បាលពន្លូត មានភ្នែកធំ មាត់តូច ដៃមានម្រាមដៃបី និងគ្មានសក់៕