ភ្នំពេញ៖ រដ្ឋមន្ត្រីសង្គមកិច្ចលោក ជា សុមេធី បានសម្រេចតែងតាំងមន្ត្រីខុទ្ទកាល័យរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាចំនួន ៨រូប ដែលដឹកនាំដោយនាយខុទ្ធកាល័យមួយរូប និងនាយរងពីររូប។
យោងតាមសេចក្ដីសម្រេចនៅថ្ងៃទី១ ខែកញ្ញា នេះ លោកស្រី លៀង ស្រីម៉ុល ត្រូវបានតែងតាំងជានាយិកាខុទ្ធកាល័យ ខណៈលោក ឯម ច័ន្ទមករា និងលោក ទេព ភារុន ត្រូវបានតែងតាំងជានាយករងខុទ្ធកាល័យ។
ក្រៅពីនេះលោកស្រី ជា គឹមធិបតី ត្រូវបានតែងតាំងជាទីប្រឹក្សាបច្ចេកទេស កញ្ញា ជា ចាន់នីសា ជាអនុពន្ធសារព័ត៌មាន កញ្ញា រ័ត្ន បុប្ផាម៉ូណែត ជាពន្ធសភា កញ្ញា សុន ធារិទ្ធី ជាជំនួយការបច្ចេកទស និងលោក គង់ ប៉ូលីពីន ជាលេខាធិកាផងដែរ៕
