បន្ទាយមានជ័យ ៖ នៅយប់ថ្ងៃទី៧ ខែសីហា លោក អ៊ុំ រាត្រី ប្រធានគណៈបញ្ជាការឯកភាពខេត្ត នឹងជាអភិបាលខេត្តបន្ទាយមានជ័យ បានចុះដឹកនាំ កម្លាំងចម្រុះទាំង៣ប្រភេទ បន្តចុះអនុវត្តវិធានការរដ្ឋ ហាមឃាត់ការធ្វេីដំណេីរក្នុងពេលយប់ចាប់ពីម៉ោង៩ ដល់ម៉ោង៣ភ្លឺ កំឡុងពេលនៃការបិទខ្ទប់ខេត្តជាប់ព្រំដែន ពិសេសខេត្តបន្ទាយមានជ័យ ក្នុងន័យទប់ស្កាត់ការឆ្លងរីករាលដាលជំងឺកូវីដ-១៩ ពិសេសវីរុសបំប្លែងថ្មីប្រភេទ Delta ចូលក្នុងសហគមន៍។
ក្ក្នុងនោះលោក អ៊ុំ រាត្រី ក៏បានដាក់ចេញនូវវិធានការយ៉ាងតឹងរឹង នៅតាមមូលដ្ឋាន ត្រូវហាមឃាត់ជាដាច់ខាតនូវសកម្មភាពការជួបជុំ ប្រមូលផ្តុំដែលមានមនុស្សច្រេីន។ បេីសិននៅតែមានអ្នកមិនគោរព និងនៅតែបន្តការជួបជុំ ប្រមូលផ្តុំ ត្រូវធ្វេីការឃាត់ភ្លាមៗ អនុវត្តតាមនីតីវិធីច្បាប់ ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ដោយគ្មានលេីកលែងឡេីយ។
ទន្ទឹមនឹងនោះលោក ក៏បានបន្តអំពាវនាវយ៉ាងទទូចដល់ពលរដ្ឋសូមកុំភ្លេចខ្លួន ក្នុងដំណាកនេះត្រូវរួមគ្នាទប់ស្កាត់ការឆ្លងរាលដាល់ជំងឺកូវីដ-១៩ តាមរយៈការអនុវត្តនូវវិធានការសុខាភិបាល និង "៣ការពារ ៣កុំ" ឲ្យបានគ្រប់ពេលវេលា៕