ភ្នំពេញ: ការចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋខ្មែរ និងជនបរទេសមានអាយុចាប់ពី១៨ឆ្នាំឡើង ដែលនៅសេសសល់មិនទាន់បានចាក់វ៉ាក់សាំងកូវីដ-១៩ (ស្ត្រីដែលទើបនឹងសម្រាលកូនរួច ប្រជាពលរដ្ឋដែលបានបញ្ចប់ការធ្វើចត្តាឡីស័ក ឬអ្នកដែលបានវិលត្រឡប់ពីក្រៅប្រទេស ដែលបានបញ្ចប់ការធ្វើចត្តាឡីស័ក។ល។) ហើយមានអាស័យដ្ឋានរស់នៅក្នុងរាជធានីភ្នំពេញ នឹងត្រូវចាប់ផ្តើមយុទ្ធនាការចាប់ពីថ្ងៃទី៩ ខែសីហា ដល់ថ្ងៃទី៨ ខែកញ្ញា ឆ្នាំ២០២១ នៅមន្ទីរពេទ្យព្រះអង្គឌួង និងមជ្ឈមណ្ឌលជាតិគាំពារមាតា និងទារក។

ប្រជាពលរដ្ឋដែលមិនទាន់បានទទួលការចាក់វ៉ាក់សាំងកូវីដ-១៩ ខាងលើ អាចទៅចាក់វ៉ាក់សាំងកូវីដ-១៩ ដោយភ្ជាប់ទៅជាមួយ នូវអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន។

គណៈកម្មការចំពោះកិច្ចចាក់វ៉ាក់សាំងកូវីដ-១៩ បានបញ្ជាក់ថាការចាក់វ៉ាក់សាំងកូវីដ-១៩ ដូសទី២ ត្រូវធ្វើឡើងនៅ ២១ថ្ងៃក្រោយពីចាក់ដូសទី១ នៅតាមទីតាំងដែលបានចាក់ដូសទី១៕