ក្រចេះ៖ ក្រុមអង្គការស៊ីម៉ាក់ បានធ្វើការចុះរាវរកនៅវិទ្យាល័យព្រះកុសុមៈខេត្តក្រចេះក្នុងរយៈពេល២ថ្ងៃនេះមកនេះគឺបានរកឃើញជាង ១ ០០០គ្រាប់។
យោងតាមការចុះផ្សាយរបស់ស្ថានីយវិទ្យុសំឡេងស្ត្រីខេត្តក្រចេះ ក្រុមជំនាញនៅតែបន្តស្រាវជ្រាវ ព្រោះក្រុមជំនាញគិតថានៅមិនទាន់អស់គ្រាប់នោះទេ។
គួរឲ្យដឹងផងដែរថា សិស្សានុសិស្សវិទ្យាល័យព្រះមហាក្សត្រីកុសុមៈត្រូវបានផ្អាកសិក្សាជាច្រើនថ្ងៃបន្ទាប់ពីរកឃើញគ្រាប់មិនទាន់ផ្ទុះជាច្រើនគ្រាប់
ករណីដែលបានរកឃើញគ្រាប់ទាំងអស់នោះ ក្រោយពីសាលាកំពុងតែជួសជុលអាគារទទឹងថ្ងៃដែលមានចំនួន៣បន្ទប់ ដើម្បីធ្វើជាអាគារស្រាវជ្រាវ តែអំឡុងពេលដែលជាងកំពុងតែជួសជុលក៏ប្រទះឃើញគ្រាប់។
នៅក្នុងហេតុការណ៍នាយកសាលាបានរាយការណ៍ទៅអាជ្ញាធរមានសមត្ថកិច្ចភ្លាមៗបន្ទាប់ពីបានទទួលដំណឹងពីជាង៕
ព័ត៌មានជាច្រើនទៀតសម្រាប់អ្នក
