ភ្នំពេញ៖ គណបក្សប្រជាជនកម្ពុជានឹងបោះឆ្នោតរើសសមាជិកគណៈអចិន្ត្រៃយ៍បន្ថែមទៀតនៅថ្ងៃទី៩ និង១០ ខែធ្នូ ឆ្នាំ២០២៣។ នេះជាការបញ្ជាក់របស់សម្ដេចតេជោក្នុងជំនួបជាមួយនឹងសមាជិករាជរដ្ឋាភិបាលអាណត្តិទី៦ និងសមាជិករាជរដ្ឋាភិបាលអាណត្តិទី៧ នៅវិមាន៧មករាក្នុងខណ្ឌចំការមន រាជធានីភ្នំពេញ ល្ងាចថ្ងៃទី១០ ខែសីហា ឆ្នាំ២០២៣នេះ។
សម្តេចតេជោនាយករដ្ឋមន្រ្តី មានប្រសាសន៍ថា នៅថ្ងៃទី៩ ទី១០ ខែធ្នូ ឆ្នាំ២០២៣ គណបក្សប្រជាជនកម្ពុជា និងប្រារព្វមហាសន្និបាតវិសាមញតំណាងទូទាំងប្រទេស ដើម្បីបោះឆ្នោតជ្រើសរើសបន្ថែមទៀត នូវសមាជិក សមាជិកា គណៈអចិន្រៃ្តយ៍គណៈកម្មាធិការកណ្តាលគណបក្សប្រជាជនកម្ពុជា ក្នុងនោះរួមមានឥស្សរជនដែលជាយុវជនក្នុងគណៈរដ្ឋមន្រ្តីថ្មីរបស់យើងផងដែរ។
គួរឲ្យដឹងផងដែរថាសមាជិកសមាជិកាគណៈអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជាមានចំនួន ៦៦រូបនាពេលបច្ចុប្បន្ន៕
ព័ត៌មានជាច្រើនទៀតសម្រាប់អ្នក
