ភ្នំពេញ៖ យោងតាមគណនីបណ្តាញសង្គមផ្ទាល់របស់តារាកំប្លែងលោក ចែម ចាន់ដារ៉ា ហៅនាយ ពែកមី បានឱ្យដឹងថាខ្លួនកំពុងជួបទុក្ខធំ ខណៈប្រពន្ធរបស់លោកឈ្មោះ ជា សុធីម ចូលសង្គ្រោះបន្ទាន់នៅបន្ទប់ ICU អស់រយៈពេល ២ថ្ងៃហើយ បន្ទាប់ពីលោកស្រី បានព្យួរសេរ៉ូមឱ្យសាច់ស នៅមជ្ឈមណ្ឌលកែសម្ភស្សមួយកន្លែងឈ្មោះ «S88 Beauty» សាខាផ្សារធំថ្មី ដែលមានទីតាំងស្ថិតនៅផ្ទះលេខ១១០E0 ផ្លូវលេខ៥៣ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

គណនីបណ្តាញសង្គមរបស់លោកពាក់មី “Chem Chanra ចែម ចាន់រ៉ា” បានបង្ហោះសារថាអមជាមួយភរិយាកំពុងស្ថិតក្នុងស្ថានភាពសង្គ្រោះបន្ទាន់ នៅព្រឹកថ្ងៃទី៤ ខែសីហានេះថា៖ «ប្រពន្ធខ្ញុំសង្គ្រោះបន្ទាន់នៅបន្ទប់ ICU ២ថ្ងៃហើយ បន្ទាប់ពីគាត់បានព្យួសេរ៉ូមអោយសាច់សរ នៅមជ្ឈមណ្ឌលកែសម្ភស្ស S88 Beauty នៅថ្ងៃពុធ ទី២ ម៉ោង១រសៀល តើម្ចាស់ S88 Beauty ទាំង១៣សាខា ជានណា?»។

គួរឱ្យដឹងដែរថា អាជ្ញាធរបានចុះបិទហាងកែសម្ផស្ស S88 Beauty សាខាផ្សារថ្មី ផ្ទះលេខ១១០E0 ផ្លូវលេខ៥៣ សង្កាត់ផ្សារថ្មី៣ ខណ្ឌដូនពេញ កាលពីល្ងាចថ្ងៃទី៣ ខែសីហា ឆ្នាំ២០២៣ ដោយបញ្ជាក់ថាទីតាំងមួយកន្លែងនេះមិនមានច្បាប់អនុញ្ញាតពីក្រសួងសុខាភិបាល និងបណ្តាលឱ្យគ្រោះថ្នាក់ព្យាបាលដល់ជនរងគ្រោះដែលកំពុងសង្គ្រោះបន្ទាន់នៅមន្ទីរពេទ្យកាល់ម៉ែត៕