ភ្នំពេញ៖ អ្នកនាំពាក្យស្នងការនគរបាលរាជធានីភ្នំពេញលោក សាន សុខសីហា បានឲ្យដឹងថាសមត្ថកិច្ចបានឃាត់ខ្លួនជនជាតិវៀតណាមប្រុសស្រីចំនួន ១១នាក់ ពាក់ព័ន្ធទៅនឹងការបាញ់សម្លាប់ជនជាតិវៀតណាមម្នាក់នៅក្នុងខណ្ឌបឹងកេងកងកាលពីម្សិលមិញ។

លោកមិនទាន់ឲ្យដឹងថាករណីបាញ់សម្លាប់មនុស្សខាងលើកើតឡើងដោយសារមូលហេតុអ្វីនោះទេ ខណៈនៅពេលនេះសមត្ថកិច្ចកំពុងសួរចម្លើយទៅលើជនជាតិវៀតណាមដែលបានឃាត់ខ្លួនទាំង ១១នាក់។

កាលពីថ្ងៃទី២៩ ខែកក្កដា ឆ្នាំ២០២៣ មានករណីបាញ់ប្រហារមួយទាំងកណ្ដាលថ្ងៃត្រង់ ក្នុងសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ បណ្ដាលឲ្យជនជាតិវៀតណាមម្នាក់ស្លាប់ក្នុងហេតុការណ៍បាញ់ប្រហារនេះ ដែលបណ្ដាលមានការភ្ញាក់ផ្អើលជាខ្លាំង៕