ភ្នំពេញ៖ នាយករដ្ឋមន្ត្រីចាំផ្ទះ សម្ដេចតេជោ ហ៊ុន សែន បានប្រកាសលាលែងពីតំណែងចាប់ពីថ្ងៃទី២២ ខែសីហា ឆ្នាំ២០២៣ តទៅ ពោលគឺមានរយៈពេល ២៨ថ្ងៃទៀតប៉ុណ្ណោះ។
ថ្លែងក្នុងសុន្ទរកថាពិសេសរសៀលថ្ងៃទី២៦ ខែកក្កដា ឆ្នាំ២០២៣ សម្ដេច ហ៊ុន សែន បានប្រកាសថា៖ «ហ៊ុន ម៉ាណែត នឹងចាប់ផ្ដើមធ្វើនាយករដ្ឋមន្ត្រីនាល្ងាចថ្ងៃទី២២ ខែសីហា ឆ្នាំ២០២៣ ខាងមុខ»។
សម្ដេចតេជោ បានបន្ថែមថាទោះបីសម្ដេចមិនកាន់ការជានាយករដ្ឋមន្ត្រីក្ដីតែជីវិតនយោបាយរបស់សម្ដេចនៅតែបន្តតាមរយៈការធ្វើជាសមាជិករដ្ឋសភា និងប្រធានព្រឹទ្ធសភានាឆ្នាំ២០២៤៕
