ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានឱ្យដឹងភ្ជាប់ជាមួយនឹងសំឡេងសាររបស់គណបក្សភ្លើងទៀនដោយថា គណបក្សភ្លើងទៀនពិតជាយល់ខុសធ្ងន់ធ្ងរណាស់និងជារបៀបប្រឆាំងផ្កាប់មុខ។
សម្តេចតេជោ បានថ្លែងក្នុងតេឡេក្រាមដូច្នេះថា៖ «យើងប្រាប់ទៅអស់លោកថាច្បាប់មិនតម្រូវឲ្យអស់លោកផ្តិតមេដៃទទួលស្គាល់នោះទេ តែបើអស់លោកប្រឆាំងជាមួយច្បាប់គុកជាអ្នកទទួលស្វាគមន៍អស់លោកគ្រប់ពេល»។
សម្តេចតេជោ បានថ្លែងឱ្យដឹងថា បើអស់លោកមិនជឿសូមសាកល្បងមើល។ សម្តេចតេជោថ្លែងថា៖ «យោងតាមសារសម្លេងនេះអស់លោកកំពុងព្យាយាមបង្កើតរដ្ឋក្នុងរដ្ឋគឺជារឿងគ្រោះថ្នាក់សម្រាប់អស់លោកផងនិងគណបក្សភ្លើងទៀងផងប្រសិនវាជាគំនិតរបស់ថ្នាក់ដឹកនាំបក្ស»។
សម្តេចតេជោបានថ្លែងថា គណបក្សភ្លើងទៀនមិនបាច់សួរថា សម្លេងនេះសម្តេចបានពីណានោះទេ ហើយសម្តេចក៏មិនលួចស្តាប់ដែរតែមេដឹកនាំរាប់សិបនាក់ជាអ្នកបញ្ជូនមកសម្តេច៕
ព័ត៌មានជាច្រើនទៀតសម្រាប់អ្នក
