នេប៉ាល់៖ ឧទ្ធម្ភាគចក្រដឹកអ្នកទេសចរបរទេសបានធ្លាក់នៅជិតភ្នំ Everest នៅថ្ងៃអង្គារ៍ទី១១ ខែកក្កដា ឆ្នាំ២០២៣នេះ បណ្តាលឱ្យមនុស្សចំនួន ៥នាក់បានស្លាប់ និងម្នាក់ទៀតបានបាត់ខ្លួន។ នេះបើតាមព័ត៌មានផ្សាយដោយទីភ្នាក់ងារសារព័ត៌មាន AP។
ឧទ្ធម្ភាគចក្រដែលបើកដោយជនជាតិនេប៉ាល់នោះបានធ្វើដំណើរត្រឡប់ទៅរដ្ឋធានី Kathmandu វិញនៅព្រឹកថ្ងៃអង្គារនេះ បន្ទាប់ពីបាននាំអ្នកទេសចរទាំង៥នាក់ដែលជាជនជាតិម៉ិកស៊ិក កម្សាន្តទៅកាន់កំពូលភ្នំខ្ពស់បំផុតរបស់ពិភពលោក។
តាមប្រភពដដែល មូលហេតុដែលបណ្តាលឱ្យមានឧបទ្ទហេតុធ្លាក់ឧទ្ធម្ភាគចក្រដែលមានគ្នាទាំងអស់ ៦នាក់នោះ គឺអាចបណ្តាលមកពីកត្តាប្រែប្រួលអាកាស ខណៈនៅខែនេះគឺចូលដល់រដូវវស្សា ដែលពុំសូវមានអ្នកទេសចរហោះហើរទៅកាន់ភ្នំដ៏ខ្ពស់នេះប៉ុន្មានឡើយ៕
ព័ត៌មានជាច្រើនទៀតសម្រាប់អ្នក
