ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងសាធារណការបរិច្ចាគថវិកាពីការលក់ស្លាកលេខពិសេសចំនួន ២០ម៉ឺនដុល្លារដល់មន្ទីរពេទ្យចំនួន២

  • ចុះផ្សាយថ្ងៃទី២១ ខែមិថុនា ឆ្នាំ២០២៣ ម៉ោង ១២:៣០ នាទី ដោយ Sao SokEng
  • 2352
  Aa |   aA

ភ្នំពេញ៖ ក្រសួងសាធារណការ និងដឹកជញ្ជូន បានបរិច្ចាគថវិកាដែលប្រមូលបានពីការលក់ស្លាកលេខឡានពិសេសផ្ទាល់ខ្លួនចំនួន ២០ម៉ឺនដុល្លារអាមេរិក ជូនដល់មន្ទីរពេទ្យគន្ធបុប្ផា និងមន្ទីរពេទ្យកុមារជាតិ ដោយបរិច្ចាគក្នុងមួយមន្ទីរពេទ្យ ចំនួន ១០ម៉ឺនដុល្លារអាមេរិក។

ថវិកា ២០ម៉ឺនដុល្លារត្រូវបានរដ្ឋមន្ត្រីក្រសួងសាធារណការ និងដឹកជញ្ជូន ទេសរដ្ឋមន្ត្រី ស៊ុន ចាន់ថុល ប្រគល់ជូនមន្ទីរពេទ្យជាតិទាំងពីរនេះនៅព្រឹកថ្ងៃទី២១ ខែមិថុនា ឆ្នាំ២០២៣ នៅទីស្តីការក្រសួងសាធារណការ និងដឹកជញ្ជូន។

រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ថា ថវិកាចំនួន ២០ម៉ឺនដុល្លារដែលបរិច្ចាគជូនដល់មន្ទីរពេទ្យគន្ធបុប្ផា និងមន្ទីរពេទ្យកុមារជាតិ គឺជាថវិកាដែលបានមកពីការរៀបចំប្រគំតន្ត្រីដើម្បីពិធីអបអរសាទរខួប៣ឆ្នាំនៃការដាក់ឱ្យដំណើរការជាផ្លូវការលេខពិសេសផ្ទាល់ខ្លួន នៅសួនច្បារវត្តបទុមវតី កាលពីថ្ងៃទី០៧ ខែមីនា ឆ្នាំ២០២៣ កន្លងមក។

កាលឆ្នាំ២០២០ ក្រសួងក៏បានបរិច្ចាគថវិកាពីការលក់ស្លាកលេខឡានពិសេសចំនួន ២០ម៉ឺនដុល្លារប្រគល់ជូនមន្ទីរពេទ្យគន្ធបុប្ផាផងដែរ ដែលនេះជាការបរិច្ចាគទៅមន្ទីរពេទ្យគន្ធបុប្ផាជាលើកទី២ហើយ។

បើតាមទេសរដ្ឋមន្ត្រី ស៊ុន ចាន់ថុល ក្រសួងសាធារណការចាប់ផ្តើមលក់ស្លាកលេខឡានពិសេសផ្ទាល់ខ្លួននៅថ្ងៃទី០៧ ខែមករា ឆ្នាំ២០២០ គិតត្រឹមខែឧសភា ឆ្នាំ២០២៣នេះ ក្រសួងបានលក់ស្លាកលេខឡានពិសេសផ្ទាល់ខ្លួនបានចំនួន ១៩ ០០០ស្លាក ដែលទទួលបានចំណូល ៣៣លានដុល្លារអាមេរិក។ ចំណែកលេខឡានពិសេស (រាជធានី-ខេត្ត) លក់បានចំនួន ២២៨ ០០០ស្លាក ទទួលបានចំណូល ៦២លានដុល្លារ។

រដ្ឋមន្ត្រីក្រសួងសាធារណការ បានប្រាប់ឱ្យដឹងថា តាំងពីដាក់លក់ស្លាកលេខឡានពិសេស និងស្លាកលេខឡានពិសេសផ្ទាល់ខ្លួនសរុបថវិកាបាន ៩៥លានដុល្លារអាមេរិកគឺបានប្រគល់ជូនរដ្ឋ ដោយថវិកាមួយចំនួនបានរំលែកបរិច្ចាគជូនដល់កាកបាទក្រហមកម្ពុជា មន្ទីរពេទ្យគន្ធបុប្ផា និងកសាងផ្ទះសម្រាប់យុទ្ធជន៕


ព័ត៌មានជាច្រើនទៀតសម្រាប់អ្នក