ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងការងារចុះហត្ថលេខាជាមួយសាលាមួយរបស់សឹង្ហបុរីក្នុងគោលដៅបណ្ដុះបណ្ដាលជំនាញវិជ្ជាជីវៈដល់សិស្ស ១លាន៥សែននាក់ដោយឥតគិតថ្លៃ

  • ចុះផ្សាយថ្ងៃទី២០ ខែមិថុនា ឆ្នាំ២០២៣ ម៉ោង ១៧:៣៦ នាទី ដោយ Sao SokEng
  • 2395
  Aa |   aA

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី២០ ខែមិថុនា ឆ្នាំ២០២៣ បានចុះអនុស្សរណៈយោគយល់គ្នាជាមួយសាលាអន្តរជាតិកម្ពុជា-សិង្ហបុរី ( SCIA) របស់ប្រទេសសិង្ហបុរី ដើម្បីត្រៀមរៀបចំវគ្គបណ្តុះបណ្តាលជំនាញវិជ្ជាជីវៈដល់យុវជន បុគ្គលិក កម្មករ និយោជិត ដែលបម្រើការក្នុងវិស័យការងារ ដែលស្ថិតក្នុងគ្រួសារក្រីក្រ និងងាយរងគ្រោះប្រមាណ ១,៥លាននាក់។

តាមព័ត៌មានផ្សាយដោយក្រសួងការងារ វគ្គបណ្តុះបណ្តាលជំនាញវិជ្ជាជីវៈនេះនឹងអនុវត្តចាប់ពីខែសីហា ឆ្នាំ២០២៣ ខាងមុខនេះ។ វគ្គបណ្តុះបណ្តាលជំនាញវិជ្ជាជីវៈនេះធ្វើឡើងក្រោយពី រាជរដ្ឋាភិបាលបានជំរុញឱ្យមានវគ្គបណ្តុះបណ្តាលជំនាញវិជ្ជាជីវៈនេះឱ្យកាន់តែសម្បូរបែបបន្ថែមទៀតដើម្បីបំពេញតម្រូវការវិនិយោគិននៅកម្ពុជាដែលកំពុងមានតម្រូវការធនធានមនុស្សដែលមានជំនាញវិជ្ជាជីវៈ។

រដ្ឋមន្ត្រីក្រសួងការងារ បណ្តុះបណ្តាលវិជ្ជាជីវៈ លោក អ៊ិត សំហេង បានលើកឡើងថា រាជរដ្ឋាភិបាលនឹងរ៉ាប់រងទទួលបន្ទុកលើថ្លៃសិក្សា និងផ្តល់ប្រាក់ឧបត្ថម្ភប្រចាំខែជូនដល់កម្មករ និយោជិត យុវជនដែលរៀនវគ្គបណ្តុះបណ្តាលជំនាញវិជ្ជាជីវៈ។

លោក អ៊ិត សំហេង ថ្លែងថា ការចុះអនុស្សរណៈយោគយល់គ្នាជាមួយសាលាអន្តរជាតិ SCIA នេះជាការចូលរួមយ៉ាងសំខាន់ក្នុងការអភិវឌ្ឍជំនាញវិជ្ជាជីវៈរបស់យុវជននៅកម្ពុជាដែរ។

លោក អ៊ិត សំហេង គូសបញ្ជាក់ថាគោលបំណងដែលរាជរដ្ឋាភិបាលរ៉ាប់រងការចំណាយលើការសិក្សាវគ្គបណ្តុះបណ្តាលជំនាញវិជ្ជាជីវៈរបស់កម្មករ និយោជិត និងយុវជន គឺដើម្បីបង្កើនសមត្ថភាពដល់ពួកគេសម្រាប់ឆ្លើយតបនឹងតម្រូវការនៃកម្លាំងពលកម្មជំនាញសម្រាប់ការវិនិយោគថ្មីៗនៅកម្ពុជា ផ្តល់ឱកាសឱ្យពួកគេមានជំនាញសម្រាប់យកទៅធ្វើការងារ ឬបង្កើតមុខរបរដោយខ្លួនឯងបង្កើនប្រាក់ចំណូលដើម្បីសម្រេចឱ្យបានតាមគោលនយោបាយជាតិឆ្នាំ២០២០ កម្ពុជាជាប្រទេសមានចំណូលមធ្យមកម្រិតខ្ពស់ និងឆ្នាំ២០២៥ កម្ពុជាជាប្រទេសមានចំណូលកម្រិតខ្ពស់។

នាយកសាលា SCIA លោក តាន់ វីភីន បានថ្លែងថា ខាងសាលាមានកម្មវិធីអប់រំបណ្តុះបណ្តាលពីសិង្ហបុរីស្រាប់ គ្រាន់តែយកមកផ្តល់ការបណ្តុះបណ្តាលដល់សិក្ខាកាមជាមួយនឹងគ្រូជំនាញមកពីសិង្ហបុរី៕


ព័ត៌មានជាច្រើនទៀតសម្រាប់អ្នក