ក្រុមបាល់ទាត់មានពិការភាពកម្ពុជាអស់ឱកាសឡើងទៅប្រកួត៤ក្រុមចុងក្រោយនៃព្រឹត្តិការណ៍អាស៊ានប៉ារ៉ាហ្គេម
ភ្នំពេញ៖ ក្រុមកីឡាករបាល់ទាត់មានពិការភាពចលករខួរក្បាលកម្ពុជា អស់ឱកាសឡើងទៅប្រកួត៤ក្រុមចុងក្រោយនៃព្រឹត្តិការណ៍អាស៊ានប៉ារ៉ាហ្គេម ក្រោយប្រកួតចាញ់ក្រុមក្រុមកីឡាករបាល់ទាត់ពិការម៉ាឡេស៊ី ក្នុងលទ្ធផល៥ ទល់៣ ក្នុងការប្រកួតថ្ងៃទី០៦ ខែមិថុនា ឆ្នាំ២០២៣ នៅពហុកីឡដ្ឋានជាតិអូឡាំពិក។
បន្ទាប់ពីចប់ការប្រកួតបាល់ទាត់បុរសមានពិការភាពចលករខួរក្បាលរវាងកម្ពុជា និងម៉ាឡេស៊ី នាល្ងាចម៉ោង៦:០០នេះក៏មានការប្រកួតរវាងប្រទេសថៃ និងហ្វីលីពីន ដើម្បីដណ្តើមឱកាសទៅប្រកួត ៤ក្រុមចុងក្រោយ ខណៈក្រុមកីឡាករបាល់ទាត់មានពិការភាពប្រទេសឥណ្ឌូណេស៊ី និងប្រទេសម៉ាឡេស៊ី បានឡើងទៅវគ្គផ្តាច់ព្រ័ត្រនាថ្ងៃទី០៨ ខែមិថុនា ខាងមុខនេះ៕
