ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន មានមោទកភាពដែលមានសារព័ត៌មានអន្តរជាតិល្បីល្បាញលើពិភពលោកផ្សព្វផ្សាយពីព្រឹត្តិការណ៍កីឡាស៊ីហ្គេមឆ្នាំ២០២៣ ជាពិសេសកីឡាការនីកម្ពុជា ប៊ូ សំណាង។
ក្នុងពិធីសំណេះសំណាលជាមួយ កីឡាករ កីឡាការិនី អាស៊ានប៉ារ៉ាហ្គេមលើកទី១២ នៅវិមានសន្តិភាពនារសៀលថ្ងៃទី២៦ ខែឧសភា ឆ្នាំ២០២៣ សម្តេចតេជោបានថ្លែងថា៖ «បើទោះបី (ប៊ូ សំណាង) មិនជាប់មេដាយមាស ក៏ជាប់មេដាយថ្នាក់ពិភពលោកសម្រាប់ប្រជាជនពិភពលោកតែម្តង»។
ការតស៊ូរបស់កីឡាការិនី ប៊ូ សំណាង មិនត្រឹមតែធ្វើឱ្យពិភពលោកស្ងើចសរសើរប៉ុណ្ណោះទេ តែក៏ធ្វើឱ្យពិភពលោកបានស្គាល់ពីកម្រិតសមត្ថភាពរបស់កីឡាករ-កីឡាការនីកម្ពុជា ដែលនេះជាភាពអស្ចារ្យដែលកម្ពុជាធ្វើជាម្ចាស់ផ្ទះរៀបចំព្រឹត្តិការណ៍កីឡាស៊ីហ្គេមឆ្នាំ២០២៣៕
ព័ត៌មានជាច្រើនទៀតសម្រាប់អ្នក
