អៀរឡង់ខាងជើង៖ អ្នកគាំទ្ររហូតដល់ ១៣,០០០នាក់ ត្រូវបានអនុញ្ញាតឱ្យចូលទស្សនាការប្រកួតដ៏អស្ចារ្យពាន UEFA Super Cup ដែលជាជំនួបរវាងម្ចាស់ជើងឯកពាន UEFA Champions League ជួបជាមួយម្ចាស់ជើងឯក UEFA Europa League ។

ជំនួបរវាងម្ចាស់ជើងឯក Champions League តោខៀវ Chelsea និងម្ចាស់ជើងឯក Europa League នាវាមុជទឹកលឿង Villarreal នឹងត្រូវធ្វើឡើងនៅថ្ងៃទី១១ ខែសីហាខាងមុខនេះ នាកីឡដ្ឋានបាល់ទាត់ជាតិ Windsor Park របស់ប្រទេសអៀរឡង់ខាងជើង ខណៈសំបុត្រមានតម្លៃចាប់ពី ៤០អឺរ៉ូ រហូតដល់ ១២០អឺរ៉ូ។

លក្ខខណ្ឌតម្រូវសំខាន់បំផុតដែលអ្នកគាំទ្រក្រុមទាំងពីរមិនអាចខ្វះបាន គឺការបង្ហាញនូវលិខិតបញ្ជាក់នូវការធ្វើតេស្តអវិជ្ជមានកូវីដ-១៩ ខណៈអាជ្ញាធរអៀរឡង់ក៏បានបញ្ជាក់ថា នៅពេលនេះ UEFA កំពុងស្ថិតក្នុងការពិភាក្សារកដំណោះស្រាយជាមួយអាជ្ញាធរអៀរឡង់ ដើម្បីសម្រួលឱ្យអ្នកគាំទ្រមកពីក្រៅចក្រភពអង់គ្លេសអាចចូលទស្សនាការប្រកួតក្នុងទឹកដីអង់គ្លេសបាន ជាពិសេសអ្នកគាំទ្ររបស់ក្រុម Villarreal តែម្តង៕

Chelsea ឈ្នះជើងឯក Champions League

Villarreal ឈ្នះជើងឯក Europa League