ក្រសួងការងារចេញវិធានការ៥ចំណុចអនុវត្តបន្ទាន់នៅតាមរោងចក្រ ក្នុងអំឡុងពេលអាកាសធាតុក្តៅ | សម្តេច ម៉ែន សំអន ដឹកនាំគណ:ប្រតិភូ អញ្ជើញបំពេញទស្សន:កិច្ច និងចូលរួមក្នុងកិច្ចប្រជុំរណសិរ្សបីប្រទេសនៅ ប្រទេសឡាវ | របបយោធាមីយ៉ាន់ម៉ាថ្កោលទោសទៅលើរបាយការណ៍ស្ថានភាពសិទ្ធិមនុស្សរបស់អង្គការសហប្រជាជាតិ | សមាជិកសភា និងអភិបាលខេត្តអូសាការបស់ជប៉ុនចេញលិខិតអបអរសាទរការរៀបចំសង្ក្រាន្តឆ្នាំថ្មីរបស់ខ្មែរនៅជប៉ុន |

លោក ហ៊ុន ម៉ាណែត៖ អាហារូបករណ៍ ដែលសម្តេចតេជោ ផ្តល់ដល់សិស្ស-និស្សិត ជាការរំដោះឱ្យរួចចាកផុតពីភាពអវិជ្ជា

បាត់ដំបង៖ ប្រធានសមាគមសិស្ស-និសិ្សតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត លោក ហ៊ុន ម៉ាណែត លើកឡើងថា អាហារូបករណ៍ដែល សម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់ដល់សិស្ស-និស្សិត គឺជាការរំដោះឱ្យរួចចាកផុតពីក្រញាំនៃភាពអវិជ្ជា សំដៅកសាងមូលធនមនុស្សពិតប្រាកដរបស់កម្ពុជា និងដើម្បីឱ្យពួកគេអាចទទួលបានអនាគតមួយរុងរឿង និងរឹងមាំ។

លោក ហ៊ុន ម៉ាណែត ថ្លែងដូចនេះក្នុងឱកាសអញ្ជើញចូលរួមជាអធិបតីក្នុងពិធីសំណេះសំណាល និងបញ្ចូលសមាជិក-សមាជិកាសមាគម អ.ម.ត. ខេត្តបាត់ដំបង និងខេត្តបន្ទាយមានជ័យ នៅសាលមហោស្រពស្ទឹងសង្កែ ខេត្តបាត់ដំបង។

លោកបានថ្លែងប្រាប់សិស្ស-និស្សិតនូវការកត់សម្គាល់អំពីសមិទ្ធផល និងវឌ្ឍនភាពរីកចម្រើនជាលំដាប់លើគ្រប់វិស័យរបស់ប្រទេសកម្ពុជា រួមទាំងវិស័យអប់រំ និងកីឡា ដោយធៀបទៅនឹងការលំបាកខ្វះខាតដែលកម្ពុជាធ្លាប់បានជួបប្រទះកាលពីអតីតកាល និងបានថ្លែងអំណរគុណប្រជាពលរដ្ឋនៅទូទាំងប្រទេសចំពោះការផ្តល់ទំនុកចិត្តជូន សម្តេចតេជោ ដែលតែងគិតគូរជានិច្ចលើការការពារអាយុជីវិត និងការបង្កើនជីវភាព ព្រមទាំងឱកាសគ្រប់បែបយ៉ាងសម្រាប់ប្រជាពលរដ្ឋ ជាពិសេសតាមរយៈការកំណត់យកវិស័យអប់រំជាវិស័យអាទិភាពខ្ពស់បំផុត។

លោក ហ៊ុន ម៉ាណែត ក៏បានថ្លែងអំណរគុណដល់គ្រឹះស្ថានឧត្តមសិក្សានៅខេត្តបាត់ដំបង និងខេត្តបន្ទាយមានជ័យ រួមមាន៖ សាកលវិទ្យាល័យគ្រប់គ្រង និងសេដ្ឋកិច្ច (UME) សាកលវិទ្យាល័យឯកទេសនៃកម្ពុជា (CUS) សាកលវិទ្យាល័យជាតិបាត់ដំបង (NUBB) សាកលវិទ្យាល័យអន្តរជាតិឌូវី (DI) ពុទ្ធិកសកលវិទ្យាល័យព្រះសីហនុរាជ (SBUBB) វិទ្យាស្ថានជាតិវិជ្ជាជីវៈបាត់ដំបង (NVIB) សាកលវិទ្យាល័យជាតិមានជ័យ (NMU) ដែលតែងបានផ្តល់អាហារូបករណ៍ថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ជូន សម្តេចតេជោ និងសម្តេចកិត្តិព្រឹទ្ធបណ្ឌិត ដើម្បីចែកជូនសិស្ស-និស្សិតខ្វះលទ្ធភាព។

ប្រធានសមាគមរូបនេះគូសបញ្ជាក់ថា កាយវិការ និងទឹកចិត្តដ៏ប្រពៃថ្លៃថ្លានេះ គឺជាការចូលរួមចំណែកមួយយ៉ាងសំខាន់តបទៅនឹងបំណងប្រាថ្នា និងការខិតខំប្រឹងប្រែងរបស់សម្តេចទាំងទ្វេរក្នុងការរំដោះសិស្ស-និស្សិតខ្វះលទ្ធភាព ឱ្យរួចចាកផុតពីក្រញាំនៃភាពអវិជ្ជា សំដៅកសាងមូលធនមនុស្សពិតប្រាកដរបស់កម្ពុជា និងដើម្បីឱ្យពួកគេអាចទទួលបានអនាគតមួយរុងរឿង និងរឹងមាំនៅក្នុងជីវិត៕



ព័ត៌មានជាច្រើនទៀតសម្រាប់អ្នក