ភ្នំពេញ៖ កីឡាករ ឈុន ប៊ុនថន បានឈ្នះមេដាយមាសលើប្រភេទកីឡាអត្តពលកម្មនៃវិញ្ញាសារត់ប្រណាំង ៨០០ម៉ែត្រក្នុងថេរវេលា ១:៥២ៈ៩១វិនាទី។
នេះជាមេដាយមាសដំបូងគេហើយដែលកម្ពុជាទទួលបានលើវិញ្ញាសារត់ប្រណាំងក្នុងការប្រកួតកីឡាស៊ីហ្គេម។
ការប្រកួតវិញ្ញាសារត់ប្រណាំងក្នុងវគ្គផ្តាច់ព្រ័ត្រធ្វើឡើងនៅថ្ងៃទី១១ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ។
ក្រោយការប្រកួត កីឡាករ ឈុន ប៊ុនថន បានបង្ហាញអារម្មណ៍ត្រេកអរដែលបានមេដាយមាស ប៉ុន្តែសោកស្តាយដែលមិនអាចយកភាពជោគជ័យនេះឲ្យទៅឪពុកម្តាយបានឃើញ ដោយសារឪពុកម្តាយបានចែកឋានទៅហើយ៕
