ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានសំណូមពរដល់អ្នកគាំទ្រកីឡាទាំងអស់ដែលមិនមានសំបុត្រចូលទស្សនាសុំកុំប្រជ្រៀត ឬផ្លោះរបងចូលកន្លែងទស្សនាដើម្បីរក្សាសណ្ឋាប់ធ្នាប់ និងសេចក្ដីថ្លៃថ្នូរ ក៏ដូចជាមុខមាត់កម្ពុជា។

ថ្លែងក្នុងជំនួបជាមួយអត្តពលិកស៊ីហ្គេមរបស់កម្ពុជានៅវិមានសន្ដិភាព រសៀលថ្ងៃទី១ ខែឧសភា ឆ្នាំ២០២៣ សម្ដេចតេជោ ហ៊ុន សែន បានថ្លែងស្នើដល់អ្នកគាំទ្រដែលពុំមានសំបុត្រទស្សនាអាចទស្សនាការផ្សាយផ្ទាល់តាមផ្ទះ ឬកន្លែងសាធារណដែលរដ្ឋបាលរាជធានី-ខេត្តបានរៀបចំ។

នៅសល់តែប៉ុន្មានថ្ងៃទៀតទេការប្រកួតបាល់ទាត់រវាងក្រុមជម្រើសជាតិកម្ពុជាក្នុងព្រឹត្តិការណ៍ស៊ីហ្គេមនឹងចាប់ផ្ដើមទៀតហើយ ខណៈពលរដ្ឋជាច្រើនបានតម្រង់ជួរចាំយកសំបុត្រដែលចែកជូនអ្នកគាំទ្រ៕