កំពត៖ លោក ឧកញ៉ា ជា សារ៉ន និងបក្ខពួក ៨នាក់ទៀត ដែលបានឆបោកពលរដ្ឋរាប់ពាន់គ្រួសារ ត្រូវបានតុលាការបញ្ជូនមកដាក់ពន្ធនាគារខេត្តកំពតនៅរសៀលថ្ងៃទី២៧ ខែមេសា ឆ្នាំ២០២៣ ពីបទ «ឆបោកមានស្ថានទម្ងន់ទោស»។
លោកឧកញ៉ា ជា សារ៉ន និងបក្ខពួក ត្រូវបានរងបទចោទ «ឆបោកមានស្ថានទម្ងន់ទោស» ដែលប្រព្រឹត្តនៅភូមិបឹងនិមល និងភូមិត្រពាំងបី ស្រុកឈូក ខេត្តកំពត និងភូមិព្រៃវែង ឃុំស្រែក្នុង ស្រុកជុំគិរី ខេត្តកំពត ចាប់ពីថ្ងៃទី០៨ ខែសីហា ឆ្នាំ២០១៨ រហូតដល់បច្ចុប្បន្ន បទល្មើសមានចែង និងបញ្ញត្តឲ្យផ្ដន្ទាទោសតាមមាត្រា៣៧៧ មាត្រា៣៨០ នៃក្រមព្រហ្មទណ្ឌ។
តាមមាត្រា៣៨០នៃក្រមព្រហ្មទណ្ឌ ជនដែលបានប្រព្រឹត្តិឆបោកស្ថានទម្ងន់ទោស ត្រូវផ្តន្ទាទោសដាក់ពន្ធនាគារពី២ ឆ្នាំ ទៅ៥ឆ្នាំ៕
