ព្រះសីហនុ៖ កម្លាំងមូលដ្ឋានកងរាជអាវុធហត្ថស្រុកព្រៃនប់ បានឃាត់ខ្លួនបុរសម្នាក់ដែលបានប្រព្រឹត្តអំពើអសីលធម៌លើនារីម្នាក់នៅចំណុចរង្វង់មូលព្រះថោងនាងនាគ ស្ថិតក្នុងភូមិសាស្រ្តស្រុកព្រៃនប់ ខេត្តព្រះសីហនុកាលពីថ្ងៃទី១៦ ខែមេសា ឆ្នាំ២០២៣។
បុរសនោះត្រូវបានកម្លាំងមូលដ្ឋានកងរាជអាវុធហត្ថស្រុកព្រៃនប់ ឃាត់ខ្លួនភ្លាមៗក្រោយធ្វើសកម្មភាពមិនគួប្បីលើស្ត្រី ក្នុងអំឡុងចូលរួមកម្សាន្តលេងនៅចំណុចរង្វង់មូលព្រះថោងនាងនាគ។
ក្រោយកើតហេតុការណ៍នេះ ភាគីរបស់គ្រួសារនារីជនរងគ្រោះ មិនបានដាក់ពាក្យបណ្តឹងទៅតាមនិតីវិធីនោះទេ គ្រាន់តែឱ្យជនសង្ស័យសុំទោសនៅនឹងកន្លែង និងសំណូមពរឱ្យមន្រ្តីជំនាញកងរាជអាវុធហត្ថ នាំខ្លួនជនសង្ស័យធ្វើកិច្ចសន្យាអប់រំណែនាំ បញ្ឈប់ធ្វើសកម្មភាពអសីលធម៌បែបនេះតទៅទៀត៕
