ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |

៣ខែ ឆ្នាំ២០២៣ កម្ពុជារកចំណូលបាន ១១លានដុល្លារពីការលក់សំបុត្រចូលទស្សនាអង្គរ

  • ចុះផ្សាយថ្ងៃទី០៣ ខែមេសា ឆ្នាំ២០២៣ ម៉ោង ១៥:២៩ នាទី ដោយ Saroeun Phallika
  • 1546
  Aa |   aA

សៀមរាប៖ ចាប់ពីខែមករា ដល់ខែមីនា ឆ្នាំ២០២៣ កម្ពុជាទទួលបានចំណូលពីការលក់សំបុត្រចូលទស្សនាអង្គរបានជាង ១១លានដុល្លារកើនឡើងជាង ១ ០០០% បើធៀបនឹងរយៈពេលដូចគ្នាក្នុងឆ្នាំ២០២២។

របាយការណ៍គ្រឹះស្ថានអង្គរចេញផ្សាយនៅថ្ងៃទី១ ខែមេសា ឆ្នាំ២០២៣ បានឱ្យដឹងថា រយៈពេល ៣ខែ ឆ្នាំ២០២៣ ចំណូលដែលកម្ពុជាទទួលបានពីការលក់បណ្ណចូលទស្សនារមណីយដ្ឋានអង្គរពីភ្ញៀវទេសចរជាង ២៣ម៉ឺននាក់ មានចំនួន ១១ ១៣៥ ៤៩២ដុល្លារអាមេរិក កើនឡើង ១ ២៦៥,៣៥ភាគរយធៀប បើនឹងរយៈពេលដូចគ្នាក្នុងឆ្នាំ២០២២។

របាយការណ៍ដដែលបានឱ្យដឹងថា ក្នុងខែមីនា ឆ្នាំ២០២៣ គ្រឹះស្ថានអង្គរ រកចំណូលបានចំនួន៣ ៧៤៨ ៧០០ដុល្លារអាមេរិក ពីការលក់បណ្ណដល់ភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន ៧៩ ៣៩០នាក់។

គួរឱ្យដឹងដែរថា អភិបាលខេត្តសៀមរាប លោក ទៀ សីហា ក្នុងសន្និសីទសារព័ត៌មានស្តីពីភាពជោគជ័យរយៈពេល ៥ឆ្នាំកន្លងមក របស់រដ្ឋបាលខេត្តសៀមរាប នាថ្ងៃទី២៩ ខែមីនា ឆ្នាំ២០២៣ លើកឡើងថា ភ្ញៀវទេសចរមកទស្សនាខេត្តសៀមរាប មានសន្ទុះកើនឡើងស្របពេលវិបត្តិជំងឺកូវីដ-១៩ បានធូរស្រាល ដោយនៅឆ្នាំ២០២២ មានភ្ញៀវទេសចរជិត ២លាន ៧សែននាក់ ក្នុងនោះភ្ញៀវបរទេសប្រមាណជិត ២៩ម៉ឺននាក់៕


ព័ត៌មានជាច្រើនទៀតសម្រាប់អ្នក