ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

កម្ពុជាពន្លឿនជប៉ុនកសាងកំពង់ផែទឹកជ្រៅនៅក្រុងព្រះសីហនុ

ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានពន្លឿនជប៉ុនកសាងកំពង់ផែទឹកជ្រៅនៅក្រុងព្រះសីហនុ ដើម្បីផ្តល់លទ្ធភាពឱ្យនាវាខ្នាតធំទម្ងន់ ៥ទៅ ៦តោនអាចចុះចតបាន ខណៈបច្ចុប្បន្នកំពង់ផែស្វ័យតក្រុងព្រះសីហនុអាចទទួលនាវាដឹកទំនិញផ្សេងៗបានត្រឹមតែទម្ងន់៣តោនប៉ុណ្ណោះ។

ថ្លែងនៅក្នុងពិធីប្រគល់សញ្ញាបត្រជូននិស្សិតសាកលវិទ្យាល័យបៀលប្រាយ (BBU) សរុបជាង ៤ពាន់នាក់ នាព្រឹកថ្ងៃទី១៦ ខែមីនា ឆ្នាំ២០២៣ សម្តេចតេជោបានលើកឡើងថា៖ «យើងបានស្នើឱ្យជប៉ុនពន្លឿនការបូម (បាតសមុទ្រកំពង់ផែទឹកជ្រៅ) ឱ្យមានជម្រៅទឹកសម្រាប់ការចូល សម្រាប់ការដឹកជញ្ជូននៅកំពង់ផែកំពង់សោម»។

នាយករដ្ឋមន្ត្រីបានបញ្ជាក់ថា បច្ចុប្បន្នការដឹកជញ្ជូនទំនិញនៅតាមកំពង់ផែស្វ័យតក្រុងព្រះសីហនុទៅក្រៅប្រទេសគឺឆ្លងកាត់ច្រើនដំណាក់កាល ហើយមានតម្លៃថ្លៃ ទើបទៅដល់ប្រទេសគោលដៅ។ សម្តេចថ្លែងថា៖ «យើងត្រូវដឹកទៅតាមនាវាតូច ទៅផ្ទេរនៅប្រទេសវៀតណាម ឬនៅសាំងហ្គាពួរ អ៊ីចឹងយើងត្រូវលើកដាក់២ដង»។

សម្តេចក៏បានគូសបញ្ជាក់ថា កំពង់ផែរាមបច្ចុប្បន្នមានជម្រៅទឹកតែ ២ម៉ែត្រ៧តឹកសម្រាប់ឱ្យនាវាតូចៗចូលចត។ សម្តេចបានអះអាងម្តងទៀតថា នៅកម្ពុជាគ្មានមូលដ្ឋានកងទ័ពចិន ឬកងទ័ពបរទេសឈរជើងនៅកម្ពុជាឡើយ ហើយសម្តេចថាក្រោយកសាងសង់រោងជាងជួសជុលនាវាផែសំចត នៅមជ្ឈមណ្ឌលទំនើបកម្មមូលដ្ឋានសមុទ្ររាម ក្រុងព្រះសីហនុរួចរាល់ កម្ពុជានឹងស្វាគមន៍ដល់បរទេសដែលចង់មកទស្សនកិច្ចកំពង់ផែនៅកម្ពុជា។

សម្តេចតេជោសង្កត់ធ្ងន់ថា កម្ពុជាចាំចាច់ត្រូវពង្រឹងសមត្ថភាពកងទ័ពជើងទឹកដើម្បីការពារអធិបតេយ្យប្រយុទ្ធប្រឆាំងនឹងការរត់ពន្ធគ្រឿងញៀន ការនេសាទខុសច្បាប់ ឬឧក្រិដ្ឋកម្មឆ្លងដែនក្នុងសមុទ្រកម្ពុជា៕



ព័ត៌មានជាច្រើនទៀតសម្រាប់អ្នក