ភ្នំពេញ៖ សមត្ថកិច្ចនៃស្នងការដ្ឋាននគរបាលខណ្ឌដូនពេញ បានបង្រ្កាបម៉ូតូបំពាក់ស៊ីម៉ាំងកែច្នៃបំពងសម្លេងខ្លាំងខុសបច្ចេកទេស បង្កការរំខានចំនួន ១៨គ្រឿង កាលពីថ្ងៃទី១៤ ខែមីនា ឆ្នាំ២០២៣ នៅក្នុងភូមិសាស្ត្រខណ្ឌដូនពេញ។
សមត្ថកិច្ចបានណែនាំអប់រំ ឱ្យធ្វើកិច្ចសន្យា និងផាកពិន័យតាមច្បាប់ ហើយតម្រូវឲ្យម្ចាស់ម៉ូតូយករបស់ដើមមកប្តូរនៅមុខសមត្ថកិច្ចទើបប្រគល់ម៉ូតូឲ្យវិញ។
អគ្គស្នងការរង និងជាស្នងការនគរបាលរាជធានីភ្នំពេញ ឧត្តមសេនីយ៍ឯក ស ថេត កន្លងមកបានណែនាំឱ្យសមត្ថកិច្ចនៃខណ្ឌទាំង១៤ ក្នុងរាជធានីភ្នំពេញបង្រ្កាបនូវម៉ូតូធំដែលមានបំពាក់ស៊ីម៉ាំងសំឡេងខ្លាំងៗ។
ជាមួយគ្នានេះរដ្ឋបាលរាជធានីភ្នំពេញក៏បានជំរុញឱ្យសមត្ថកិច្ចបង្រ្កាបទីតាំងកែច្នៃ និងបំពាក់ឧបករណ៍ខុសបច្ចេកទេសដល់យានយន្តគ្រប់ប្រភេទ៕
ព័ត៌មានជាច្រើនទៀតសម្រាប់អ្នក
