ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សង្គមកិច្ច ជួបសាធារណការ ខណៈសុខាភិបាល ជួបបរិស្ថាន វគ្គពាក់កណ្ដាលផ្តាច់ព្រ័ត្រអន្តរក្រសួងស្ថាប័ន

  • ចុះផ្សាយថ្ងៃទី០៦ ខែមីនា ឆ្នាំ២០២៣ ម៉ោង ១២:១៧ នាទី ដោយ Mesa
  • 2290
  Aa |   aA

ភ្នំពេញ៖  ការប្រកួតពានរង្វាន់មិត្តភាពយុវជនអន្តរក្រសួង-ស្ថាប័ន លើកទី៨ ឆ្នាំ២០២២ បានរកឃើញក្រុមទាំងបួនឡើងទៅកាន់វគ្គពាក់កណ្ដាលផ្តាច់ព្រ័ត្រហើយដែលរួមមាន ក្រុមបាល់ទាត់ក្រសួងសង្គមកិច្ច អតីតយុទ្ធជន និងយុវនីតិសម្បទា ដែលនឹងត្រូវជួបជាមួយក្រុមបាល់ទាត់ក្រសួងសាធារណការ និងដឹកជញ្ជូន ខណៈក្រុមបាល់ទាត់ក្រសូងសុខាភិបាល នឹងត្រូវជួបជាមួយក្រុមបាល់ទាត់ក្រសួងបរិស្ថាន។ 


ក្រុមបាល់ទាត់ក្រសួងសង្គមកិច្ច អតីតយុទ្ធជន និងយុវនីតិសម្បទា គឺជាក្រុមដែលចេញពីពូល G ជាមួយក្រសួងវប្បធម៌ និងវិចិត្រសិល្បៈ រួមជាមួយក្រុមក្រសួងធម្មការ និងសាសនា។ ក្រសួងសង្គមកិច្ច អតីតយុទ្ធជន និងយុវនីតិសម្បទាឡើងមកកាន់វគ្គ ១៦ក្រុមចុងក្រោយ និងទម្លាក់ក្រសួងមុខងារសាធារណៈ ​មុននឹងបន្តទម្លាក់ក្រុមបាល់ទាត់ក្រសួងទេសចរណ៍ នៅវគ្គ ៨ក្រុមចុងក្រោយ។ ដោយឡែក ក្រុមបាល់ទាត់ក្រសួងសាធារណការ និងដឹកជញ្ជូន គឺជាក្រុមដែលចេញពីពូល H ជាមួយក្រសួងការបរទេស និងសហប្រតិបត្តិការអន្តរជាតិ  និងទីស្តីការគណៈរដ្ឋមន្រ្ ដែលឈានឡើងមកកាន់វគ្គ១៦ក្រុមចុងក្រោយទម្លាក់ក្រុមបាល់ទាត់ក្រសួងវប្បធម៌ និងវិចិត្រសិល្បៈ និងទម្លាក់ក្រុមបាល់ទាត់ក្រសួងព័ត៌មាន នៅវគ្គ ៨ក្រុមចុងក្រោយ។ ក្រសួងសង្គមកិច្ច អតីតយុទ្ធជន និងយុវនីតិសម្បទា និងត្រូវជួបជាមួយក្រសួងសាធារណការ និងដឹកជញ្ជូន នៅថ្ងៃអាទិត្យ ទី១២ ខែមីនានេះ វេលាម៉ោង ៦៖៣០នាទីល្ងាចនៅទីលាន The Blue Sport Center។


ជំនួបវគ្គពាក់កណ្ដាលផ្តាច់ព្រ័ត្រមួយគូទៀតគឺជាការជួបគ្នារវាងក្រុមបាល់ទាត់ក្រសួងសុខាភិបាល ទល់នឹងក្រុមបាល់ទាត់ក្រសួងបរិស្ថាន។ ក្រុមបាល់ទាត់ក្រសួងសុខាភិបាល គឺជាក្រុមដែលចេញពីពូល C ជាមួយក្រសួងអភិវឌ្ឍន៍ជនបទ , ក្រសួងទេសចរណ៍ រួមជាមួយក្រុមក្រសួងយុត្តិធម៌។ ក្រសួងសុខាភិបាលឡើងមកកាន់វគ្គ ១៦ក្រុមចុងក្រោយដោយទម្លាក់ធនាគារជាតិនៃកម្ពុជា ​មុននឹងបន្តទម្លាក់ក្រុមបាល់ទាត់ក្រសួងការងារ និងបណ្តុះបណ្ដាលវិជ្ជាជីវៈ នៅវគ្គ ៨ក្រុមចុងក្រោយ។ដោយឡែក ក្រុមបាល់ទាត់ក្រសួងបរិស្ថានគឺជាក្រុមដែលចេញពីពូល B ជាមួយក្រសួងទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ច, ក្រសួងព័ត៌មាន និងរដ្ឋលេខាធិការអាកាសចរណ៍ស៊ីវិល ដែលឈានឡើងមកកាន់វគ្គ១៦ក្រុមចុងក្រោយទម្លាក់ក្រុមបាល់ទាត់ក្រសួងកសិកម្ម រុក្ខាប្រមាញ់ និងនេសាទ និងទម្លាក់ក្រុមបាល់ទាត់ទីស្តីការគណៈរដ្ឋមន្រ្តីនៅវគ្គ ៨ក្រុមចុងក្រោយ។ ក្រសួងសុខាភិបាល និងត្រូវជួបជាមួយក្រសួងបរិស្ថាន នៅថ្ងៃអាទិត្យ ទី១២ ខែមីនានេះដូចគ្នា វេលាម៉ោង ៥ល្ងាច នៅទីលាន The Blue Sport Center។


ការប្រកួតវគ្គផ្តាច់ព្រ័ត្រនឹងធ្វើឡើងនៅថ្ងៃទី១៨ ខែមីនា ឆ្នាំ២០២៣ នៅទីលាន The Blue Sport Center៕

ព័ត៌មានជាច្រើនទៀតសម្រាប់អ្នក