សៀមរាប៖ កម្ពុជារកចំណូលបានជាង ៨លានដុល្លារ ពីការលក់សំបុត្រចូលទស្សនារមណីយដ្ឋានអង្គរ ក្នុងរយៈពេល ២ខែ ដើមឆ្នាំ២០២៣ ដោយចំនួននេះមានការកើនឡើងជាង ១ ០០០ភាគរយធៀបនឹងរយៈពេលដូចគ្នាកាលពីឆ្នាំ២០២២។
សេចក្ដីប្រកាសព័ត៌មានរបស់គ្រឹះស្ថានអង្គរ នៅថ្ងៃទី០១ ខែមីនា ឆ្នាំ២០២៣នេះ បានឱ្យដឹងថា រយ:ពល ២ខែដើមឆ្នាំ២០២៣ ចំនួនភ្ញៀវទេសចរទិញសំបុត្រចូលទស្សនាអង្គរចំនួន ១៥៦ ៩៥១នាក់ ដោយទទួលបានចំណូលថវិកា ៧ ៣៨៦ ៧៩២ដុល្លា កើនឡើងជាង ១ ៤៤៥,១១ភាគរយ បើធៀបនឹងឆ្នាំ២០២២ កន្លងមក។
ដោយឡែក ការលក់សំបុត្រចូលទស្សនាអង្គរក្នុងខែកុម្ភៈ ឆ្នាំ២០២៣នេះ មានចំនួនភ្ញៀវទេសចរអន្ដរជាតិ ៧៩ ៥១៥នាក់ ទទួលបានចំណូល ៣ ៧៤៣ ២៩៥ដុល្លារ កើនឡើង ៩៨៨,៦៥ភាគរយ ធៀបនឹងឆ្នាំ២០២២។
ក្រៅពីចំណូលនៅរមណីយដ្ឋានអង្គរ គ្រឹះស្ថានអង្គរក៏បានចំណូលពីការលក់បណ្ណចូលទស្សនាប្រាសាទកោះកែរ បានចំនួន ២១ ៥១០ដុល្លារផងដែរ ដោយឡែក ចំណូលពីការលក់សំបុត្រទូក នៅកំពង់ផែចុងឃ្នៀសមានចំនួន ៦២ ៨៦៩ដុល្លារ៕
