ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

គុនល្បុក្កតោកម្ពុជានឹងត្រូវបង្ហាញដើម្បីបើកឆាកស៊ីហ្គេម២០២៣ ដោយមានអ្នកចូលរួមសម្បែងជាង ១ពាន់នាក់

  • ចុះផ្សាយថ្ងៃទី០១ ខែមីនា ឆ្នាំ២០២៣ ម៉ោង ១៣:៥១ នាទី ដោយ Saroeun Phallika
  • 1670
  Aa |   aA

ភ្នំពេញ៖ កងអង្គរក្សចំនួន ១ ២០០នាក់ នឹងចូលរួមសម្តែងទម្រង់ល្បុក្កតោ អបអរសាទរពិធីបើកនិងបិទក្នុងព្រឹត្តការណ៍កីឡាស៊ីហ្គេមនិងអាស៊ានប៉ារ៉ាហ្គេម២០២៣។

អគ្គលេខាធិការរងសហព័ន្ធកីឡាគុនល្បុក្កតោកម្ពុជា លោក អ៊ួ តារា ក្នុងឱកាសបើកវគ្គហ្វឹកហ្វឺនទម្រង់ល្បុក្កតោដើម្បីអបអរសាទរកម្មវិធីបើក-បិទក្នុងព្រឹត្តិការណ៍កីឡាស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ កាលពីថ្ងៃទី២៧ ខែកុម្ភៈ ឆ្នាំ២០២៣ បានលើកឡើងថា ក្រុមសម្តែងទស្សនីយភាពគុនល្បុក្កតោនឹងធ្វើឱ្យមានភាពអស្ចារ្យនៅក្នុងពីធីបើក-បិទជាផ្លូវការព្រឹត្តិការណ៍កីឡាស៊ីហ្គេម លើកទី៣២ នាខែឧសភា ឆ្នាំ២០២៣ ដែលជាប្រវត្តិសាស្ត្រដំបូងរបស់កម្ពុជា។

លោក អ៊ួ តារា បញ្ជាក់ថា សម្រាប់ទស្សនីយភាពការសម្តែងគុនល្បុក្កតោនឹងមានកម្លាំងចំនួន ១ ២០០នាក់ ដោយចំនួននេះ មានចំនួនតិចជាងចំនួនចូលរួមសម្តែងព្រឹត្តិការណ៍កីឡាជាតិលើកទី៣ កាលពីចុងឆ្នាំ២០២២ ប៉ុន្តែគុណភាព និងទម្រង់សម្តែងសម្រាប់ព្រឹត្តិការណ៍ស៊ីហ្គេម នាខែឧសភា ឆ្នាំ២០២៣ ខាងមុខនេះនឹងព្យាយាមធ្វើឱ្យល្អ និងអស្ចារ្យតាមគោលដៅដែលចង់បាន ហើយក្នុងកម្មវិធីបិទស៊ីហ្គេមក៏នឹងមានកម្លាំង ៦០០នាក់ សម្តែងទស្សនីយភាពមួយ «មហាព្រលឹងគុនល្បុក្កតោ។

លោកអគ្គលេខាធិការរងរូបនេះសង្កត់ធ្ងន់យ៉ាងដូច្នេះថា៖ «ទម្រង់ទស្សនីយ៍ភាពមានពីរធំៗ គឺផែនទស្សនីយភាពរុងរឿងសម័យអង្គរ និងគុនល្បុក្កតោសម័យទំនើប ដែលបានធ្វើទំនើបកម្មគុនល្បុក្កតោទៅជាចង្វាក់ភ្លេងជាមួយនឹងបច្ចេកវិទ្យាភ្លើង LED ដែលនឹងឆ្លុះបញ្ចាំងពីទស្សនីយភាពថ្មីមួយ នៃភាពរុងរឿងរបស់កម្ពុជា។ ដូច្នេះហើយ យើងសង្ឃឹមថា តាមរយៈការហាត់សមនេះនឹងបង្ហាញចេញនូវទស្សនីយភាពដ៏អស្ចារ្យក្នុងពិធីបើកស៊ីហ្គេម»។

លោកអគ្គលេខាធិការរងរូបនេះគូសបញ្ជាក់ថា ទម្រង់ទស្សនីយ៍ភាពមានពីរធំៗ គឺផែនទស្សនីយភាពរុងរឿងសម័យអង្គរ និងគុនល្បុក្កតោសម័យទំនើប ដែលបានធ្វើទំនើបកម្មគុនល្បុក្កតោទៅជាចង្វាក់ភ្លេងជាមួយនឹងបច្ចេកវិទ្យាភ្លើង LED ដែលនឹងឆ្លុះបញ្ចាំងពីទស្សនីយភាពថ្មីមួយ នៃភាពរុងរឿងរបស់កម្ពុជា ដូច្នេះហើយ លោកសង្ឃឹមថា តាមរយៈការហាត់សមនេះនឹងបង្ហាញចេញនូវទស្សនីយភាពដ៏អស្ចារ្យក្នុងពិធីបើកស៊ីហ្គេម។

គួរឱ្យដឹងដែរថា ព្រឹត្តិការណ៍កីឡាស៊ីហ្គេម លើកទី៣២ នឹងត្រូវប្រារព្ធធ្វើឡើងជាផ្លូវការនៅពហុកីឡដ្ឋានជាតិមរតកតេជោ នាថ្ងៃទី៥ ខែឧសភា និងពិធីបិទផ្លូវការនៅថ្ងៃទី១៧ ខែឧសភា ឆ្នាំ២០២៣។ ចំណែកឯកព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នឹងត្រូវធ្វើឡើងពីថ្ងៃទី០៣-០៩ ខែមិថុនា ឆ្នាំ២០២៣៕


ព័ត៌មានជាច្រើនទៀតសម្រាប់អ្នក