ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានអំពាវនាវដល់គណបក្សនយោបាយនានាឱ្យគោរពសិទ្ធិរបស់ពលរដ្ឋ ខណៈគណបក្សមួយចំនួនបានប្រើការវាយប្រហារលើអតីតអ្នកប្រឆាំងរដ្ឋាភិបាលដែលក្រោយមកបានចូលរួមជាមួយរាជរដ្ឋាភិបាលកម្ពុជា។
ថ្លែងក្នុងពិធីចែកសញ្ញាបត្រដល់និស្សិតវិទ្យាស្ថានបច្ចេកវិទ្យាកម្ពុជា ព្រឹកថ្ងៃ០១ ខែមីនា ឆ្នាំ២០២៣ សម្ដេចតេជោ ហ៊ុន សែន ថាការចូលរួមគណបក្សនយោបាយ ឬរដ្ឋាភិបាល គឺជាសេរីភាពនៃការជ្រើសរើសរបស់មនុស្សម្នាក់ៗ មិនគួរណាទទួលរងនូវការវាយប្រហារនោះទេ។
សម្ដេចថា៖ «ទាល់តែមនុស្សគាំទ្រអ្នកឯងអ្នកឯងថាមនុស្សល្អ! ដល់អ្នកមកគាំទ្ររដ្ឋាភិបាល អ្នកឯងថាគេលក់ក្បាល ឬបម្រើបរទេស ខណៈអ្នកឯងកំពុងនៅបរទេសស៊ីលុយបរទេស»៕
