ភ្នំពេញ៖ នាយករដ្ឋមន្ត្រីកម្ពុជា សម្ដចតេជោ ហ៊ុន សែន បានលើកឡើងពីគោលបំណងរបស់សម្ដេចក្នុងការជំរុញប្រទេសកម្ពុជាឱ្យក្លាយជាប្រទេសនាំចេញគ្រាប់ស្វាយចន្ទីកែច្នៃលេខ១ លើពិភពលោក ខណៈសម្ដេចថា បច្ចុប្បន្នប្រទេសកម្ពុជាសម្រេចនាំចេញគ្រាប់ស្វាយចន្ទីមិនទាន់កែច្នៃបានជាង ១លានតោនបាត់ទៅហើយ។
សម្ដេចតេជោ ហ៊ុន សែន បានជំរុញឱ្យបង្កើននូវអ្នកបច្ចេកទេសក្នុងស្រុក និងការទាក់ទាញអ្នកវិនិយោគក្នុងវិស័យនេះ។
សម្ដេចថា៖ «កាលពីថ្ងៃមុននៅប្រទេសចិន ឯកឧត្តម ស៊ី ជីនពីង នៅពេលបាយគាត់លើកឡើងពីគ្រាប់ស្វាយចន្ទីរបស់យើង។ […] អញ្ចឹងទេយើងអាចទាក់ទងឧស្សាហកម្មកែច្នៃមកវិនិយោគក្នុងស្រុក»។
សម្ដេចតេជោ ហ៊ុន សែន ថ្លែងបែបនេះក្នុងពិធីប្រគល់សញ្ញាបត្រជូនដល់និស្សិតនៃវិទ្យាស្ថានជាតិបណ្ដុះបណ្ដាលបច្ចេកទេស នៅរាជធានីភ្នំពេញ ព្រឹកថ្ងៃទី២៧ ខែកុម្ភៈ ឆ្នាំ២០២៣នេះ៕
ព័ត៌មានជាច្រើនទៀតសម្រាប់អ្នក
