Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Adidas និង Major League Soccer ចាប់ដៃគ្នាបន្តមុន World Cup ២០២៦ មកដល់

  • ចុះផ្សាយថ្ងៃទី២៣ ខែកុម្ភៈ ឆ្នាំ២០២៣ ម៉ោង ១៦:២៤ នាទី ដោយ Mesa
  • 1808
  Aa |   aA

សហរដ្ឋអាមេរិក៖ ក្រុមហ៊ុនផលិតសម្ភារៈកីឡាអាល្លឺម៉ង់ Adidas និងក្របខណ្ឌលីគកំពូលសហរដ្ឋអាមេរិក Major League Soccer កាលពីថ្ងៃពុធម្សិលមិញបានប្រកាសពីការបន្តកិច្ចសន្យាបន្ថែមទៀតក្នុងនាមជាដៃគូផ្លូវការ ដែលគេអាចសម្លឹងឃើញថាក្រុមហ៊ុនយក្សអាល្លឺម៉ង់មួយនេះកំពុងសហការយ៉ាងស្អិតរមួតក្នុងនាមជាដៃគូផ្គត់ផ្គង់ផ្លូវការសម្រាប់លីគ ក្លិប និងថ្នាលយុវជន។ 

នាយកប្រតិបត្តិក្រុមហ៊ុន Adidas លោក Bjorn Gulden បានប្រកាសថា ក្រុមហ៊ុនមានការប្តេជ្ញាចិត្តក្នុងការរួមចំណែកទៅលើការប្រកួតបាល់ទាត់នៅសហរដ្ឋអាមេរិក ហើយអ្វីដែលគួរឱ្យរំភើបជាងនេះទៀតគឺការរួមគ្នាឆ្ពោះទៅកាន់ព្រឹត្តិការណ៍ FIFA World Cup ឆ្នាំ២០២៦ ដែលសហរដ្ឋអាមេរិក កាណាដា និងម៉ិកស៊ិករួមគ្នាជាសហម្ចាស់ផ្ទះ។ 

បើតាមប្រភពពីសារព័ត៌មាន CNBC កិច្ចសន្យាថ្មីរវាងក្រុមហ៊ុន Adidas ជាមួយក្រុមហ៊ុន Major League Soccer ថ្មីនេះនឹងមានសុពលភាពរហូតដល់ឆ្នាំ២០៣០ ក្នុងកញ្ចប់ថវិកា ៨៣០លានដុល្លារអាមេរិក ខណៈដែលកិច្ចសន្យាចាស់កាលពីឆ្នាំ២០១៧ មានតម្លៃ ៧០០លានដុល្លារអាមេរិក។ 

យ៉ាងណាមិញ ប្រភពពីក្រុមហ៊ុន Adidas មិនបានបញ្ជាក់ច្បាស់អំពីព័ត៌មានដែលចុះផ្សាយនេះឡើយ៕



ព័ត៌មានជាច្រើនទៀតសម្រាប់អ្នក