ភ្នំពេញ៖ កងទ័ពជើងគោកនៃកងយោធពលខេមរភូមិន្ទ បានថ្កោលទោសយ៉ាងដាច់អហង្ការចំពោះលោកទណ្ឌិត សម រង្ស៊ី ដែលបានបន្តប្រមាថយ៉ាងធ្ងន់ធ្ងរបំផុតដល់ព្រះមហាក្សត្រខ្មែរម្តងហើយម្តងទៀត។
កងទ័ពជើងគោក បានចាត់ទុកការប្រមាថរបស់លោក សម រង្ស៊ី គឺជាការរំលោភបំពានយ៉ាងធ្ងន់ធ្ងរ បំផុតលើរដ្ឋធម្មនុញ្ញកម្ពុជា ដែលជាច្បាប់កំពូលរបស់ជាតិ ដែលបានចែងក្នុងមាត្រា៧ថា «អង្គព្រះមហាក្សត្រ មិនអាចនរណារំលោភបំពានបានឡើយ»។
កងទ័ពជើងគោក សូមប្ដេជ្ញាដាច់ខាតការពាររដ្ឋធម្មនុញ្ញ ដែលជាច្បាប់កំពូលរបស់កម្ពុជា និងសូមប្រកាសជាឱឡារិក គោរព និងដង្ហែតាមអង្គព្រះមហាក្សត្រកម្ពុជាជានិច្ចនិរន្តរ៍។
កងទ័ពជើងគោកកម្ពុជាបានស្នើឱ្យអាជ្ញាធរមានសមត្ថកិច្ចចាប់ខ្លួន ទណ្ឌិត សម រង្ស៊ី មេក្រុមឧទ្ទាមជាពូជក្បត់ជាតិ៣ជំនាន់ និងបក្សពួក បើកាលណាក្រុមនេះជាន់ដីកម្ពុជា។ ជាមួយគ្នានេះ កងទ័ពជើងគោកកម្ពុជាបានស្នើឱ្យតុលាការចាត់វិធានការច្បាប់ឱ្យបានធ្ងន់ធ្ងរបំផុត ចំពោះការប្រមាថអង្គព្រះមហាក្សត្រ ជាទីគោរព សក្ការៈរបស់ប្រជារាស្ត្រខ្មែរ ដោយគ្មានការលើកលែងនោះឡើយ៕
ព័ត៌មានជាច្រើនទៀតសម្រាប់អ្នក
