Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Play-Off រវាង Barcelona និង Man Utd បំបែកកំណត់ត្រាទស្សនិកជន Europa League

  • ចុះផ្សាយថ្ងៃទី១៨ ខែកុម្ភៈ ឆ្នាំ២០២៣ ម៉ោង ១១:៥៣ នាទី ដោយ Mesa
  • 1313
  Aa |   aA

អេស្ប៉ាញ៖ ការប្រកួតវគ្គ Play-Off នៃក្របខណ្ឌ​ UEFA Europa League រវាងក្រុមអេស្ប៉ាញ Barcelona និងក្រុមអង់គ្លេស Manchester United បានស្រូបទាញយកអ្នកគាំទ្រទស្សនាផ្ទាល់បំបែកកំណត់ត្រានៃក្របខណ្ឌ UEFA Europa League ពោលគឺមានអ្នកគាំទ្រទៅទស្សនាផ្ទាល់នៅកីឡដ្ឋាន Camp Nou រហូតដល់ ៩០,២៥៥នាក់។ 

ការប្រកួតដែលក្រុម Barcelona វាយបកពីក្រោយ​ និងតាមស្មើ Manchester United ២-២ នាជើងទី១នេះ មានចំនួនអ្នកទស្សនាផ្ទាល់ច្រើនបំផុត រហូតបំបែកកំណត់ត្រាចាស់ដែលកាន់កាប់ដោយក្លិប Tottenham Hotspur ទទួលស្វាគមន៍ក្រុមប៊ែលហ្សិក Gent នៅក្នុងការប្រកួត Europa League កាលពីខែកុម្ភៈ ឆ្នាំ២០១៧ នាកីឡដ្ឋា​នជាតិ Wembley របស់អង់គ្លេស ដែលមានអ្នកទស្សនាផ្ទាល់ចំនួន ៨០,៤៦៥នាក់។ 

Barcelona បច្ចុប្បន្នក៏ជាក្លិបដែលកាន់កាប់កំណត់ត្រាមានអ្នកទស្សនាផ្ទាល់នៅក្នុងកីឡដ្ឋានច្រើនជាងគេបង្អស់ក្នុងក្របខណ្ឌ Champions League ផងដែរ ពោលគឺមានអ្នកទស្សនាផ្ទាល់រហូតដល់ ១១៥,៥០០នាក់ ក្នុងការប្រកួតវគ្គ៨ក្រុមចុងក្រោយ UEFA Champions League ឆ្នាំ១៩៩៥ ជួបជាមួយក្រុមបារាំង Paris Saint-Germain។ 

កាលពីរដូវកាល ២០២១-២០២២ កន្លងទៅ Barcelona ក៏ធ្លាប់ធ្វើបានកំណត់ត្រាមានអ្នកទស្សនាផ្ទាល់នៅកីឡដ្ឋានច្រើនជាងគេបង្អស់ផងដែរសម្រាប់បាល់ទាត់ស្រ្តី ពោលគឺមានទស្សនិកជនទស្សនាផ្ទាល់នៅកីឡដ្ឋាន Camp Nou ចំនួន ៩១,៦៤៨នាក់ ក្នុងជំនួបដែលក្រុមស្រ្តី Barcelona បំបាក់ក្រុមស្រ្តី VfL Wolfsburg ក្នុងវគ្គពាក់កណ្តាលផ្តាច់ព្រ័ត្រ UEFA Champions League ដែលជាកំណត់ត្រាខ្ពស់បំផុតមិនធ្លាប់មានសម្រាប់បាល់ទាត់ស្រ្តីទាំងក្នុងការប្រកួតក្នុងកម្រិតក្លិប ឬការប្រកួតកម្រិតអន្តរជាតិ៕



ព័ត៌មានជាច្រើនទៀតសម្រាប់អ្នក