បាត់ដំបង៖ បុរសម្នាក់សង្ស័យជំងឺរើឡើងធ្វើឱ្យវង្វេងស្មារតីដើរធ្លាក់ចូលទឹកស្រះបណ្តាលឱ្យលង់ស្លាប់យ៉ាងអាណោចអាធម។ សាកសពត្រូវបានប្រទះឃើញនៅវេលាម៉ោង ១៩និង៥០នាទី ថ្ងៃទី១៣ ខែកុម្ភៈ ឆ្នាំ២០២៣ នៅចំណុចស្រះទឹកមួយកន្លែង ស្ថិតក្នុងភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង។

ប្រភពនៅកន្លែងកើតហេតុបានប្រាប់ថា ជនរងគ្រោះមានឈ្មោះ ទុយ វឿង ភេទប្រុស អាយុ ៤៤ឆ្នាំ រស់នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង។ បើតាមប្រភព ជនរងគ្រោះជាមនុស្សមានសតិមិនល្អ ក្រោយជួបឧបទ្ទវហេតុគ្រោះថ្នាក់់ចរាចរណ៍រយៈពេលកន្លងមក។

នៅមុនពេលកើតហេតុ ជនរងគ្រោះបានបាត់ខ្លួន ក្រុមគ្រួសារព្យាយាមដើររក លុះរហូតដល់វេលាម៉ោង ១៩និង៥០នាទី ទើបប្រទះឃើញសាកសពអណ្តែតឡើងតែម្តង។

ក្រោយពេលកើតហេតុសមត្ថកិច្ចជំនាញបានចុះទៅពិនិត្យកោសល្យវិច័្ឆយ និងបានសន្និដ្ឋានថា សពជនរងគ្រោះពិតជាបានស្លាប់ដោយសារលង់ទឹកពិតប្រាកដ បន្ទាប់មកក៏បានធ្វើកំណត់ហេតុប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕