វត្ថុបុរាណខ្មែរចំនួន១៤វត្ថុ បានប្រគល់មកដល់សារមន្ទីរជាតិកម្ពុជាហើយ នារសៀលនេះ | ក្រុមហ៊ុនអាល្លឺម៉ង់មួយនៅវៀតណាមកំពុងពិនិត្យលទ្ធភាពមកវិនិយោគនៅកម្ពុជា | គម្រោងស្តារ និងលើកកម្រិតគុណភាពផ្លូវជាតិលេខ៤ សម្រេចបានជាង៥០% គ្រោងបញ្ចប់នៅចុងឆ្នាំ២០២៦ | នាយករដ្ឋមន្ត្រី ទទួលជួបអគ្គលេខាធិកាអង្គការសហប្រជាជាតិទទួលបន្ទុករក្សាសន្តិភាព Jean-Pierre Lacroix នៅវិមានសន្តិភាព | BREAKING: ផ្ទុះករណីជំងឺផ្ដាសាយបក្សីលើក្មេងប្រុស អាយុ ៣ឆ្នាំនៅខេត្តតាកែវ | កម្ពុជា-ជប៉ុន ប្ដេជ្ញាបន្តកិច្ចសហប្រតិបត្តិការទ្វេភាគី និងពហុភាគីដើម្បីសន្ដិភាព និងវិបុលភាពក្នុងតំបន់ | សម្តេចប្រធានព្រឹទ្ធសភា ពង្រឹងទំនាក់ទំនងកម្ពុជា-ជប៉ុន ក្នុងដំណើរទស្សនកិច្ចរបស់រដ្ឋមន្ត្រីការបរទេសជប៉ុន |

រកឃើញជនរងគ្រោះដែលបាត់ខ្លួនដោយសារលិចទូក ហើយពួកគេនៅមានជីវិតដោយសារបានពីដុងបណ្តែតជួយ

ព្រះសីហនុ៖ មនុស្សចំនួន ២នាក់ដែលបានបាត់ខ្លួនក្នុងហេតុការណ៍លិចទូកនៅលម្ហសមុទ្រចន្លោះពីកោះរ៉ុងមកក្រុងព្រះសីហនុកាលពីម៉ោង៣ទាបភ្លឺថ្ងៃទី៣០ ខែមករា ឆ្នាំ២០២៣ ត្រូវបានរកឃើញហើយនៅវេលាម៉ោង០៤រសៀល ដោយពួកគេនៅមានជីវិតនៅឡើយទេ។

តាមសេចក្តីរាយការណ៍ពីភ្នាក់ងារ EAC News ប្រចាំខេត្តព្រះសីហនុ ជនរងគ្រោះ ២នាក់នោះរួចផុតពីគ្រោះថ្នាក់ដោយសារតែពួកគេបានប្រើពិដុងទឹកជរ័ បណ្តែតខ្លួនក្នុងលម្ហសមុទ្រ អស់រយៈពេលជិត១៤ម៉ោង រហូតដល់ម៉ោងជាង៤ល្ងាចថ្ងៃដដែលទើបត្រូវបានទូកនេសាទដូចគ្នាប្រទះឃើញ និងបានជួយសង្គ្រោះពីសមុទ្រនៅចំណុចជិតកោះថាស។

ក្រោយទទួលដំណឹងថាជនរងគ្រោះនៅមានជីវិត លោកឧកញ៉ា ទៀ វិចិត្រ ក៏បានបញ្ជូនអូប៊រ័ល្បឿនលឿនទៅទទួលយកជនរងគ្រោះនាំមកកាន់ដីគោកក្នុងក្រុងព្រះសីហនុ។ លោកឧកញ៉ា ក៏បានផ្តល់ថវិកាដល់ជនរងគ្រោះក្នុងម្នាក់១លានរៀល និងចេញថ្លៃព្យាបាលទាំងអស់ដល់ជនរងគ្រោះទាំង២ដែលមានរបួស ដោយសារតែខំប្រឹងតោងឱបពិដុងទឹកបណ្តែតខ្លួនក្នុងសមុទ្រជាច្រើនម៉ោង។

ថ្នាក់ដឹកនាំរដ្ឋបាលខេត្តព្រះសីហនុបានកោតសរសើរ និងថ្លែងអំណរគុណសម្រាប់ការជួយសង្គ្រោះជនរងគ្រោះដែលលិចទូកនេះ តាមរយៈកិច្ចអន្តរាគមន៌ពីក្រុមការងារសង្គ្រោះរបស់លោកឧកញ៉ា ទៀ វិចិត្រ សមត្ថកិច្ចអាជ្ញាធរពាក់ពន្ធ័ និងអ្នកនេសាទដូចគ្នា ដែលស្វែងរកនិងជួយជនរងគ្រោះបានជោគជ័យ។

ជនរងគ្រោះទាំងពីរនាក់នោះមានមុខរបរជាអ្នកនេសាទ ដោយម្នាក់មានស្រុកកំណើតនៅខេត្តព្រៃវែង និងម្នាក់ទៀតមានស្រុកកំណើតនៅខេត្តកែប ដោយពួកគេបច្ចុប្បន្នស្នាក់នៅទំនប់រលក សង្កាត់លេខ១ ក្រុងព្រះសីហនុ ។

ជនរងគ្រោះបានបញ្ជាក់ថា មូលហេតុដែលបណ្តាលឲ្យទូកលិច គឺដោយសារតែមានខ្យល់ធ្លាក់ខ្លាំង ទឹករលកធំៗ និងម៉ូទ័របូមទឹកខូច ទើបបណ្តាលឲ្យទូកលិច៕



ព័ត៌មានជាច្រើនទៀតសម្រាប់អ្នក