ភ្នំពេញ÷ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានចាប់ផ្ដើមសុន្ទរកថាក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន ព្រឹកថ្ងៃទី២៦ ខែមករា ឆ្នាំ២០២៣ ដោយរំលឹកថាថ្ងៃនេះគឺជាថ្ងៃទី៩៩ ក្នុងការរាប់ថយក្រោយមុនដល់ការរៀបចំកីឡាស៉ីហ្គេម និងប៉ារ៉ាអូឡាំំពិកហ្គេម។

សម្ដេចតេជោថ្លែងថា សម្ដេចនិងបន្តរំលឹករាប់ថយក្រោយជាបន្តបន្ទាប់នៅពេលសម្ដេចថ្លែងនៅក្នុងវេទិកាសាធារណៈ។

សម្ដេចថា៖ «ថ្ងៃនេះ៩៩ ថ្ងៃស្អែកពេលខ្ញុំជួបជាមួយនឹងគ្រិស្ដសាសនិក ខ្ញុំនឹងថ្លែងរាប់ថយក្រោយបន្តទៀត»។

កម្ពុជានិងរៀបចំការប្រកួតកីឡាស៉ីហ្គេម និងកីឡាប៉ារ៉ាហ្គេមចាប់ពីថ្ងៃទី៥ ខែឧសភា ឆ្នាំ២០២៣ ខាងមុខ។

ការរាប់ថយក្រោយ ១០០ថ្ងៃកាលពីម្សិលមិញក៏មានការជួបជុំប្រតិភូកីឡាកម្ពុជា និងប្រតិភូកីឡាបរទេសមួយចំនួនដែលមកកម្ពុជា ហើយក៏មានការសម្ដែងនៅសិល្បៈនិងផ្ទាំងទស្សនីយភាពជាច្រើនដល់ទាក់ទាញដើម្បីបង្ហាញពីសក្ករានុពលនៃប្រទេសកម្ពុជាក៏ដូចជាកីឡារបស់កម្ពុជាផងដែរ៕