ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ថ្ងៃនេះមនុស្សម្នាក់ទៀតនឹងចូលបំភ្លឺពាក់ព័ន្ធនឹងការផ្សព្វផ្សាយបទចម្រៀង

  • ចុះផ្សាយថ្ងៃទី១១ ខែមករា ឆ្នាំ២០២៣ ម៉ោង ១៣:៥៧ នាទី ដោយ Saroeun Phallika
  • 1969
  Aa |   aA

ភ្នំពេញ៖ មិនមែនរឿងចៃដន្យទេ! ដែលចែកចាយបទចម្រៀង «ឈាមបាតុករ» ក្នុងពេលកម្ពុជាត្រៀមបោះឆ្នោត ខណៈថ្ងៃនេះស្នងការដ្ឋាននគរបាលរាជធានីភ្នំពេញនឹងហៅមនុស្សម្នាក់ទៀតមកឆ្លើយបំភ្លឺពាក់ព័ន្ធនឹងការផ្សព្វផ្សាយបទចម្រៀងនេះ ដែលថាបានធ្វើឱ្យប៉ះពាល់ដល់សន្តិសុខ សណ្តាប់ធ្នាប់សង្គម។

អ្នកនាំពាក្យនៃស្នងការដ្ឋាននគរបាលជាតិរាជធានីភ្នំពេញ លោក សាន សុខសីហា បានប្រាប់ EAC News ថារហូតមកដល់ថ្ងៃនេះមានមន្ត្រីសង្គមស៊ីវិល ៣រូបហើយបានចូលបំភ្លឺ ទាក់ទងទៅនឹងការការផ្សព្វផ្សាយឡើងវិញបទចម្រៀង «ឈាមបាតុករ» ហើយនៅសល់មួយរូបទៀតនឹងចូលបំភ្លឺនៅថ្ងៃទី១១ ខែមករា ឆ្នាំ២០២៣នេះ។

លោកប្រាប់ EAC News តាមរយៈសារអេឡិចត្រូនិចតេឡេក្រាមថា៖ «ការកោះហៅនេះទាក់ទងទៅនឹងការផុសវីដេអូ ដែលមានលក្ខណ: អុចអាល ញុះញង់ និងអាចបណ្តាលឲ្យប៉ះពាល់ដល់សន្តិសុខ សណ្តាប់ធ្នាប់សង្គម»។

គួរឱ្យដឹងដែរថា លិខិតកោះហៅរបស់អគ្គស្នងការដ្ឋាននគរបាលជាតិ ដែល EAC News ទទួលបានឱ្យដឹងថា សមត្ថកិច្ចកោះហៅមន្រ្តីសង្គមស៊ីវិល ៤នាក់ ចូលបំភ្លឺនៅអគ្គស្នងការដ្ឋានរាជធានីភ្នំពេញ ក្នុងនោះមាន នាយកអង្គការលីកាដូ លោក អំ សំអាត ដែលបានចូលបំភ្លឺនៅថ្ងៃទី៩ ខែមករា។ នាយកប្រតិបត្តិនៃអង្គការសង់ត្រាល លោក មឿន តុលា ជាមួយប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក វន់ ពៅ ចូលបំភ្លឺនៅថ្ងៃទី១០ ខែមករា ព្រមទាំងប្រធានសមាគមសម្ព័ន្ធសហគមន៍កសិករកម្ពុជាលោក ថេង សាវឿន ដែលត្រូវចូលបំភ្លឺនៅថ្ងៃទី១១ ខែមករា ឆ្នាំ២០២៣នេះ។

អគ្គស្នងការនគរបាលជាតិជាតិបញ្ជាក់ថា ការកោះហៅមន្ត្រីសង្គមស៊ីវិលទាំង៤រូបនេះឱ្យចូលបំភ្លឺគឺទាក់ទងនឹងការបង្ហោះចម្រៀងអមដោយរូបភាពក្រោមចំណងជើង «ឈាមបាតុករ»។

ជាមួយគ្នានេះដែលអង្គការលីកាដូ និង អង្គការសង់ត្រាល់បានលុបបទ ឈាមបាតុករ នោះចេញពីទំព័របណ្តាញសង្គមហើយ ខណៈអង្គការលីកាដូបញ្ជាក់ថាដើម្បីជៀសវាងពីការទទួលរងនូវវិធានការផ្លូវច្បាប់បន្ត ក៏សម្រេចចិត្តលុបវីដេអូចម្រៀងចេញពីបណ្តាញសង្គមរបស់ខ្លួន និងអះអាងថាវីដេអូចម្រៀងនេះ មិនមែនជាបទល្មើសញុះញង់នោះទេ តែការចេញផ្សាយវីដេអូ គឺជាសេរីភាពក្នុងការបញ្ចេញមតិដែលត្រូវបានការពារដោយច្បាប់រដ្ឋធម្មនុញ្ញ៕


ព័ត៌មានជាច្រើនទៀតសម្រាប់អ្នក