កំពង់ចាម៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងថា ភាពរីកចម្រើនរបស់កម្ពុជាបច្ចុប្បន្នដោយអាស្រ័យលើចក្ខុវិស័យកាលពី៤០ឆ្នាំមុនគឺ ទឹក ផ្លូវ ភ្លើង និងមនុស្ស។ សម្ដេចតេជោ បញ្ជាក់ថាអាទិភាពនៃការវិនិយោគនេះនឹងនៅតែរក្សារាប់សិបឆ្នាំទៅមុខទៀតផងដែរ។
សម្ដេចតេជោថា៖ «នោះហើយជាការខិតខំសម្រាប់យើងដើរមួយជំហានម្ដងៗ»។
សម្ដេចតេជោ ហ៊ុន សែន លើកឡើងបែបនេះក្នុងពិធីបើកការដ្ឋានពង្រីក និងលើកគុណភាពកំណាត់ផ្លូវជាតិលេខ៧ ពីរង្វង់មូលស្គន់ ដល់រង្វង់មូលស្ពានគីហ្សូណា ព្រឹកថ្ងៃទី៩ ខែមករា ឆ្នាំ២០២៣៕
PHOTO: ហ៊ុន យុទ្ធគុណ