បន្ទាយមានជ័យ៖ សមាជិកមកពីគណបក្សផ្សេងៗនៅក្នុងស្រុកភ្នំស្រុក បានចាកចេញពីទ្រនំចាស់របស់ខ្លួន ស្ម័គ្រចិត្តចូលរួមរស់ជីវភាពជាមួយគណបក្សប្រជាជនកម្ពុជាជាង ១ពាន់នាក់ ដោយបានយល់ច្បាស់ពីការដឹកនាំរបស់ប្រមុខរាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនម្ពុជា។
ការប្រកាសបញ្ចូលសមាជិកមកពីគណបក្សផ្សេងៗនៅក្នុងស្រុកភ្នំស្រុក ចូលរួមរស់ជីវភាពជាមួយគណបក្សប្រជាជនកម្ពុជាសរុបចំនួន ១ ០៣៤នាក់ ធ្វេីឡេីងនៅភោជនីយ៍ដា្ឋនលីក្រុះ ស្រុកភ្នំស្រុក ក្រោមអធិតីភាព លោក បោន ប៊ិន សមាជិកអចិន្ត្រៃយ៍គណបក្សខេត្ត និងជាប្រធានក្រុមការងារគណបក្សចុះមូលដា្ឋនស្រុកភ្នំស្រុក ខេត្តបន្ទាយមានជ័យ ធ្វេីឡេីងនៅថ្ងៃទី០៧ ខែមករា ឆ្នាំ២០២៣ នៅភោជនីយ៍ដា្ឋនលីក្រុះ ស្រុកភ្នំស្រុក។
តំណាងសមាជិកទាំង ១ ០៣៤នាក់ ដែលស្ម័គ្រចិត្តរួមរស់ជីវភាពជាមួយគណបក្សប្រជាជនកម្ពុជា បានលេីកឡេីងថា ដោយបានមេីលឃើញយ៉ាងច្បាស់ នូវគោលនយោបាយដឹកនាំរបស់គណបក្សប្រជាជនកម្ពុជា ក្រោមការដឹកនាំរបស់សម្តេចតេជោ ហ៊ុន សែន បាននាំមកនូវសន្តិភាពពេញលេញជូនមាតុភូមិ ព្រមទាំងបានអភិវឌ្ឍន៏ប្រទេសជាតិ លើគ្រប់វិស័យឲ្យមានការរីកចំរើន ប្រែប្រួលឆាប់រហ័ស គួជាទីមោទន:ភាពក្រៃលែង។ ដោយពិនិត្យឃើញជាក់ច្បាស់យ៉ាងដូច្នេះ ពួកគាត់មានជំនឿជឿជាក់លើការដឹកនាំរបស់សម្តេចតេជោ នាយករដ្ឋមន្ត្រី ប្រធានគណបក្សប្រជាជនកម្ពុជា ក៏បានសម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជាដោយឥតងាករេជារៀងរហូត។
ថថ្លែងនាឱកាសនោះលោក បោន ប៊ិន ក៏បានថ្លែងនូវអំណរគុណចំពោះសមាជិកថ្មីដែលបានស្ម័គ្រចិត្ត រួមរស់ជីវភាពរបស់គណបក្សប្រជាជនកម្ពុជា។ ជាមួយគ្នានោះឯកឧត្តម បានរំលឹកពីប្រវិត្តការតស៊ូរបស់កម្ពុជា ដែលបានហែលឆ្លងសង្ក្រាមរ៊ាំរៃការកាប់សម្លាប់ជាតិសាសន៍ឯងយ៉ាងសាហាវព្រៃជាទីបំផុត។
លោកបានបញ្ជាក់ថា ដោយមានស្មារតីជ័យជម្នះ៧ មករា គឺជាការផ្តល់កំណេីតទី២ របស់ប្រជាជនកម្ពុជា បានធ្វេីឱ្យបងប្អូនមានឱកាសជួបជុំបងប្អូនយ៉ាងសប្បាយរីករាយគ្មានការភ័យខ្លាច មានការអភិវឌ្ឍគ្រប់ទីកន្លែង ក្រោមកិច្ចខិតខំប្រឹងប្រែងរបស់ប្រមុខរាជរដ្ឋាភិបាលកម្ពុជា ដែលបានតស៊ូ រំដោះជាតិមាតុភូមិ ចេញពីរបបដ៏ខ្មៅងងឹត ជូនប្រជាជនកម្ពុជា ដែលចង់ចាំមិនភ្លេចនូវសោកនាដកម្មដ៏សាហាវព្រៃផ្សៃ។ ចំនុចទាំងអស់នេះបេីគ្មានសុខសន្តិភាព នោះទេពិតរបបដ៏ខ្មៅងងឹតក៏មិនអាចរលត់ទៅវិញនោះ ដោយការដឹកប្រទេសដោយភាពប៉ិនប្រសព្វរបស់សម្តេចតេជោ ហ៊ុន សែន នេះហេីយ បានធ្វេីឱ្យកម្ពុជាយេីងរួចផុតពីរបស់ដ៏ខ្មៅងងឹត មានការរីកចម្រេីនជាខ្លាំង មិនថាទីក្រុង ឬជនបទ។
សូមបញ្ជាក់ផងដែរថា សមាជិក-សមាជិកា ដែលបានស្ម័គ្រចិត្តរួមរស់ជាមួយគណបក្សប្រជាជនកម្ពុជា ទាំង ១ ០៣៤នាក់ ក្នុងម្នាក់ទទួលបាន អង្ករ ២៥គីឡូក្រាម សារ៉ុង ចំនួន១ រួមនឹងថវិកាចំនួន ២ម៉ឺនរៀល។ ក្រុមការងារមូលដ្ឋានស្រុក ចំនួន ២៦នាក់ក្នុងមួយនាក់ទទួលបាន សារ៉ុង ចំនួន១ ទឹកក្រូច ចំនួន ១យួរ មី ចំនួន ១កេស ថវិកា ចំនួន ៤ម៉ឺនរៀល។ ដោយឡែកក្រុមការងារមូលដ្ឋានឃុំ-ភូមិ ចំនួន ៧១នាក់ កក្នុងម្នាក់ទទួលបានទឹកភេសជ្ជៈប៉ូវកម្លាំង ចំនួន ១កេស សារ៉ុង ចំនួន១ ទឹកក្រូច ចំនួន ១យួរ, មី ចំនួន ១កេស ថវិកា ចំនួន ៤ម៉ឺនរៀល៕
ព័ត៌មានជាច្រើនទៀតសម្រាប់អ្នក
