ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អាជ្ញាធរហាមពលរដ្ឋថ្មើរជើងលើ «ស្ពានថ្មចាស់មុខសាលាខេត្តបាត់ដំបង អាយុជាង ១០០ឆ្នាំ» ខណៈកំពុងទ្រុឌទ្រោម

  • ចុះផ្សាយថ្ងៃទី៣០ ខែធ្នូ ឆ្នាំ២០២២ ម៉ោង ១២:០៥ នាទី ដោយ Sao SokEng
  • 1651
  Aa |   aA

បាត់ដំបង៖ អាជ្ញាធរបានហាមមិនឱ្យពលរដ្ឋធ្វើដំណើរលើស្ពានថ្មចាស់ក្រុងបាត់ដំបង អាយុកាលជាង ១០០ឆ្នាំ ខណៈស្ពានបុរាណមួយនេះកំពុងតែទ្រុឌទ្រោម និងបែកប្រេះសាំ្រខ្លាំង។

អភិបាលខេត្តបាត់ដំបង លោក សុខ លូ បានណែនាំពលរដ្ឋកុំឆ្លងកាត់លើស្ពានមួយនេះ ដើម្បីថែរក្សា និងជៀសវាងគ្រោះថ្នាក់ជាយថាហេតុណាមួយ។ លោកបានសរសេរក្នុងផេកហ្វេសប៊ុករបស់ខ្លួនដូច្នេះថា៖ «ស្ពានថ្មចាស់ក្រុងបាត់ដំបងចាស់ទ្រុឌទ្រោមហើយ។ សូមបងប្អូន យោគយល់ អធ្យាស្រ័យកុំឆ្លងកាត់ដាក់ស្លាកខ្ពស់ក្រែងមើលមិនឃើញ ដោះមកដាក់ទាបម្តង»។

លោកគូសបញ្ជាក់ថា ដើម្បីត្រៀមឆ្លងឆ្នាំសកលឆ្នាំថ្មី២០២៣ ខាងមុខនេះ ខាងខេត្តនឹងរៀបចំតុងតែងភ្លើងដើម្បីឱ្យពលរដ្ឋអាចថតពីទិដ្ឋភាពស្ពានពីចម្ងាយ។

អភិបាលរងខេត្តបាត់ដំបង លោក សឿម ប៊ុនរិទ្ធិ បាននិយាយថា ស្ពានថ្មចាស់នេះមានសភាពទ្រុឌទ្រោមដែលខេត្តបានហាមមិនឱ្យរថយន្តបើកបរលើស្ពាននេះតាំងឆ្នាំ១៩៩៣ មកម្ល៉េះ ដោយពេលនេះអនុញ្ញាតឱ្យតែម៉ូតូ និងកង់ធ្វើដំណើរតែប៉ុណ្ណោះ រហូតដល់ឆ្នាំ២០១៩ ក៏ហាមមិនឱ្យម៉ូតូ និងកង់ធ្វើដំណើរឆ្លងកាត់។ បន្ទាប់មកនៅចុងឆ្នាំ២០២២នេះ ក៏ហាមមិនឱ្យពលរដ្ឋថ្មើរជើងឆ្លងកាត់ស្ពាននោះឡើយ។

លោកបានថ្លែងមកកាន់អង្គភាពសារព័ត៌មាន EAC news តាមតេឡេក្រាមដូច្នេះថា៖ «ពេលនេះ រដ្ឋបាលខេត្តលែងឱ្យមានការធ្វើដំណើរឆ្លងកាត់ដោយថ្មើរជើងទៀតហើយ ដោយសារខ្លាចមានគ្រោះថ្នាក់ជាយថាហេតុណាមួយកើតឡើងដល់អ្នកធ្វើដំណើរដោយថ្មើរជើង ទើបបញ្ឈប់ជាស្ថាពរ ពីពេលនេះតទៅ រហូតដល់មានការជួសជុលឡើងវិញ»។

បើតាមលោក សឿម ប៊ុនរិទ្ធិ គឺចាំបាច់ណាស់ត្រូវមានការជួសជុល អភិរក្ស និងថែរក្សាឡើងវិញនូវស្ពានបុរាណអាយុចំនួន ១០៦ឆ្នាំនេះដើម្បីធានាឱ្យស្ពានមួយនេះស្ថិតនៅគង់វង្សយូរអង្វែង។

លោកថា៖ «បើគ្មានការអភិរក្ស ការជួសជុលថែទាំនោះទេ សំណង់ស្ពានថ្មចាស់នេះ មិនអាចគង់វង្សយូរអង្វែងតទៅទៀតបានឡើយ។ រដ្ឋបាលខេត្ត ពុំមានថវិកាធ្វើការជួសជុលទេ។ ការងារអភិរក្សនិងថែរក្សាស្ពានថ្មចាស់មុខសាលាខេត្តនេះ ទាមទារក្រសួងជំនាញ និងក្រសួង ស្ថាប័នពាក់ព័ន្ឋ ជួយដល់រដ្ឋបាលខេត្ត ក្នុងការជួសជុលឡើងវិញស្របតាមទម្រង់រចនាបថស្ថាបត្យកម្មដើមនៃសំណង់ស្ពាននេះទើបអាចអភិរក្ស និងការពារបានពីការបាក់រលំ ដោយគ្រោះធម្មជាតិ ឬទឹកជំនន់នាពេលខាងមុខ»។

គូសបញ្ជាក់ថា ស្ពានថ្មចាស់ក្រុងបាត់ដំបងនេះ ត្រូវបានកសាងឡើងនៅឆ្នាំ១៩១៦ ដោយបច្ចុប្បន្នស្ពានមួយនេះមានលក្ខណៈទ្រុឌទ្រោម ហើយមានស្នាមប្រេះ ខណៈរដ្ឋបាលខេត្តបានកសាងស្ពានថ្មថ្មីនៅក្បែរស្ពានថ្មចាស់ ដែលរចនាឡើងតាមលំនាំស្ពានថ្មចាស់ ដើម្បីសម្រួលដល់ការធ្វើចរាចររបស់ពលរដ្ឋ៕


ព័ត៌មានជាច្រើនទៀតសម្រាប់អ្នក