ភ្នំពេញ៖ ក្រុមប្រឹក្សាភាសាជាតិបានធ្វើបច្ចុប្បន្នកម្មវចនានុក្រមខ្មែរនិងបានបង្កើតជាទម្រង់សុសវែរដែលអាចប្រើប្រាស់បាននៅក្នុងទូរសព្ទឆ្លាតប្រព័ន្ធ IOS និង Android។ ក្រុមប្រឹក្សាជាតិភាសាខ្មែរនឹងដាក់ឱ្យដំណើរការសាកល្បងសុសវែរវចនានុក្រមខ្មែរឆ្នាំ២០២២ នេះនៅក្នុងទូរសព្ទឆ្លាតទាំង២ប្រព័ន្ធ ក្នុងរយៈពេល ៣ខែ ចាប់ពីចុងឆ្នាំ២០២២ នេះតទៅ។

សាធារណជនទាំងអស់អាចទាញយកវចនានុក្រមខ្មែរបច្ចុប្បន្នកម្ម (Khmer Dictionary 2022) បានតាមរយៈ App Store សម្រាប់ទូរស័ព្ទដែលប្រើប្រាស់ប្រព័ន្ធ IOS និង Google Play សម្រាប់ទូរស័ព្ទដែលប្រើប្រាស់ប្រតិបត្តិការ Android។

ដើម្បីធ្វើឱ្យសុសវែរវចនានុក្រមកាន់តែល្អប្រសើរ ក្នុងពេលសាកល្បងប្រើប្រាស់សុសវែរវចនានុក្រមនេះ ប្រសិនបើសាធារណជន ជាពិសេសអ្នកស្នេហាអក្សរសាស្ត្រខ្មែររកឃើញកំហុសដែលកើតឡើងដោយអចេតនាណាមួយ សូមមេត្តាផ្តល់មតិយោបល់ស្ថាបនាទាំងបញ្ហាភាសាវិទ្យានិងបញ្ហាបច្ចេកទេសតាមរយៈទូរសព្ទ ០១១ ៧៣៤ ៩៩២ វេបសាយ : https://nckl.rac.gov.kh ហ្វេសប៊ុក : ក្រុមប្រឹក្សាជាតិភាសាខ្មែរ-កជភខ (https://www.facebook.com/NCKLCambodia) អ៊ីមែល: nckl.home@rac.gov.kh៕