បន្ទាយមានជ័យ ៖ ករណីអគ្គីភ័យឆាបឆេះ នៅកាស៊ីណូហ្គ្រែនដាយអឹមិនស៊ីធី ក្រុងប៉ោយប៉ែត ខេត្តបន្ទាយមានជ័យ រកឃើញសពស្លាប់ពីរនាក់ នៅលើដំបូលអគារ រហូតមកទល់ម៉ោង ៧និង៤០នាទីព្រឹកថ្ងៃទី២៩ ខែធ្នូ ឆ្នាំ២០២២ ខណៈអគ្គីភ័យកំពុងឆាបឆេះនៅឡើយ សមត្ថកិច្ចកំពុងធ្វើការអន្តរាគមពន្លត់ និងសង្គ្រោះបន្ត។

ជាក់ស្តែងគេឃើញសាកសពមនុស្សប្រុសចំនួន ២នាក់ ទើលលើអគារខាងកើតក្បែរកន្លែងកើតហេតុ សាកសពមួយត្រូវបានបែកក្បាលខ្ទិច ចំណែកសពមួយទៀត ត្រូវបានបាត់ជើង ដែលអ្នកឃើញហេតុការណ៍បានប្រាប់ថា សពទាំងនេះ គឺបានលោតខណៈដែលភ័យស្លន់ស្លោរពេលអគ្គីភ័យឆាបឆេះដំបូង នៅអំឡុងម៉ោង១១យប់ ថ្ងៃទី២៨ ខែធ្នូ ឆ្នាំ២០២២។

ក្រៅពីសាកសពបានស្លាប់ទើលលើដំបូលអគារនេះ ជនរងគ្រោះជាច្រើននាក់ ដែលបានលោត និងត្រូវបានសមត្ថកិច្ចអាជ្ញាធរជួយសង្គ្រោះ ដោយយករថយន្តសង្គ្រោះដឹកបន្តគ្នាផងដែរ៕