កែប៖ ទូកនេសាទប្រភេទទូកកន្ទុយវែងមួយគ្រឿងបានលិចក្នុងសមុទ្រ កាលពីម៉ោង ជិត១យប់រំលងអាធ្រាត្រ ឈានចូលថ្ងៃទី២៧ ខែធ្នូ ឆ្នាំ២០២២ នៅចំណុចចុងពយខាងលិចកោះទន្សាយ ប្រហែល ៣០០ម៉ែត្រ ស្ថិតក្នុងភូមិសាស្ត្រខេត្តកែប។

បើតាមសមត្ថកិច្ចបញ្ជាក់ថា នៅលេីទូកមានមនុស្សចំនួន ៥នាក់ បច្ចុប្បន្នជួយសង្គ្រោះស្រង់ពីសមុទ្របានចំនួន ៤នាក់ នៅបាត់ខ្លួនម្នាក់ទៀត។

 ជនរងគ្រោះ ៤នាក់ ដែលជួយសង្គ្រោះនៅរស់រានមានជីវិតរួមមាន៖

១-ឈ្មោះ ផន សុីន ភេទប្រុស អាយុ ៣៦ឆ្នាំ មុខរបរ តៃកុងទូក នៅ ភូមិ បោសក្រូច ឃុំត្រពាំងព្រីង ស្រុកទឹកឈូ ខេត្តកំពត

២-ឈ្មោះឆេង សុីម ភេទប្រុស អាយុ ៣៦ មុខរបរ កូនដៃទូក ភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត។

៣-ឈ្មោះ កៀវ ថា ភេទប្រុស អាយុ ៤២ឆ្នាំ មុខរបរ កូនដៃទូកនៅ ភូមិ កូនសត្វ ឃុំ កូនសត្វ ស្រុកទឹកឈូ ខេត្តកំពត ។

៤-ឈ្មោះ អុយ ធឿន ភេទប្រុស អាយុ ៤២ឆ្នាំ មុខរបរកូនដៃទូក នៅ ភូមិបោស ក្រូច ឃុំបោសក្រូច ស្រុកទឹកឈូ ខេត្តកំពត ។ និងស្រង់ទូកលិច អូសយកមកឆ្នេរ និងនៅបន្តល្បាតរកអ្នកដែរបាត់ខ្លួន ឈ្មោះ អុយ បាន ភេទប្រុស អាយុ ៥៤ឆ្នាំ មុខរបរកូនដៃទូក នៅភូមិបោសក្រូច ស្រុកទឹកឈូ ខេត្តកំពត ។

បច្ចុប្បន្នសមត្ថកិច្ចកំពុងបន្តស្វែងរកអ្នកបាត់បាត់ខ្លួនម្នាក់ទៀត មិនទាន់ដឹងពីជោគវាសនាយ៉ាងណានៅឡើយ ៕