កំពង់ឆ្នាំង៖ វេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង នៅព្រឹកថ្ងៃទី២២ ខែមេសា ឆ្នាំ២០២១ វេលាម៉ោង ១០និង៥៥នាទីបានឱ្យដឹងថា ករណីប្រជាពលរដ្ឋ ៤៨នាក់ នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ដែលបានទាក់ទងផ្ទាល់ជាមួយនឹងសពឈ្មោះ នូ ចុល ភេទប្រុស អាយុ៥៧ឆ្នាំ ដែលស្លាប់ដោយសារ covid-19 បានពិនិត្យសំណាកកាលពីថ្ងៃទី២០ ខែមេសា ជាលទ្ធផល ការធ្វើតេស្តសំណាកលើកទី១ ទាំង៤៨នាក់បានបង្ហាញថា អវិជ្ជមានទាំងអស់ មានទាំងកូនបង្កើតរបស់សព ចៅបង្កើតសព និង សាច់ញាតិផងដែរ។

សូមបញ្ជាក់ជូនផងដែរថា ឈ្មោះ នូ ចុល មានទីលំនៅក្នុងភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង បានស្លាប់កាលពីយប់វេលាម៉ោង២និង០០នាទី ឈានចូលថ្ងៃទី១៩ ខែមេសា ឆ្នាំ២០២១ នៅក្នុងមន្ទីរពេទ្យបង្អែកខេត្តកំពង់ឆ្នាំង ដោយសារជំងឺកូវីដ-១៩ នៅភូមព្រះរាមរង្សី ឃុំជ្រៃបាក់ស្រុករលាប្អៀរ ខេត្តកំពង់ឆ្នាំង ៕

ប្រភព: មន្ទីរព័ត៌មានខេត្តកំពង់ឆ្នាំង