ភ្នំពេញ៖ បេឡាជាតិសន្តិសុខសង្គមសម្រាប់មន្រ្តីរាជការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា នឹងបើកប្រាក់ប្រចាំខែធ្នូ សម្រាប់២សប្តាហ៍លើកទី១ ដល់និវត្តជន និងអតីតមន្ត្រីរាជការស៊ីវិល ចាប់ពីថ្ងៃទី១៤ ខែធ្នូ ឆ្នាំ២០២២តទៅ។

តាមសេចក្តីជូនដំណឹងរបស់បេឡាជាតិសន្តិសុខសង្គមសម្រាប់មន្រ្តីរាជការបានឱ្យដឹងថា ប្រាក់គោលនយោបាយសោធនសម្រាប់ពីរសប្ដាហ៍ លើកទី១ ក្នុងខែធ្នូ ឆ្នាំ២០២២ នឹងត្រូវបានបើកផ្តល់ ចាប់ពីថ្ងៃទី១៤ ខែធ្នូ ឆ្នាំ២០២២។

ការបើកប្រាក់របបសន្តិសុខសង្គមខាងនេះ និវត្តជន និងអតីតមន្រ្តីរាជការស៊ីវិលទាំងអស់ ត្រូវភ្ជាប់មកជាមួយសៀវភៅគណនី និងអត្តសញ្ញាណប័ណ្ណសញ្ជាតិខ្មែរ ឬកាត ATM ដើម្បីប្រើប្រាស់ បើកនៅតាមទូរ ATM របស់ធនាគារដៃគូខាងលើ នៅទូទាំងប្រទេស។

គួរបញ្ចាក់ដែលថា ក្នុងករណីនិវត្តជននិងជនបាត់បង់សម្បទាវិជ្ជាជីវៈ មានជំងឺមិនអាចទៅបើកប្រាក់សោធននៅធនាគារបាន ឬទទួលមរណភាព សូមឱ្យអ្នកនៅក្នុងបន្ទុក និងអ្នកដែលបានទទួលសិទ្ធិបើកប្រាក់សោធនប្រចាំខែជូនដំណឹងជាបន្ទាន់មកបេឡាជាតិសន្តិសុខសង្គមសម្រាប់មន្រ្តីរាជការស៊ីវិល៕