ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ពលរដ្ឋទុយណេស៊ីតវ៉ាប្រឆាំងប្រធានាធិបតី មុនការបោះឆ្នោតសភាសប្តាហ៍ក្រោយ

  • ចុះផ្សាយថ្ងៃទី១១ ខែធ្នូ ឆ្នាំ២០២២ ម៉ោង ១១:៣២ នាទី ដោយ Mesa
  • 1980
  Aa |   aA

ទុយណេស៊ី៖ នៅថ្ងៃសៅរ៍ ទី១០ ខែធ្នូម្សិលមិញនេះ ក្រុមអ្នកតវ៉ាជាពលរដ្ឋទុយណេស៊ីរាប់រយនាក់បានប្រមូលផ្តុំគ្នាធ្វើការតវ៉ាទៅលើលោកប្រធានាធិបតី Kais Saied នៅមុនការបោះឆ្នោតជ្រើសតាំងសមាជិកសភាដែលនឹងធ្វើឡើងនៅសប្តាហ៍ក្រោយនេះ។ ក្រុមអ្នកតវ៉ាបានធ្វើការចោទប្រកាន់ទៅលើលោកប្រធានាធិបតីថា ការបោះឆ្នោតជ្រើសតាំង និងបង្កើតសភាថ្មីក្រោយការធ្វើវិសោធនកម្មរបស់លោក គឺជាការធ្វើរដ្ឋប្រហាររបបប្រជាធិបតេយ្យ។ 

លោកប្រធានាធិបតី Saied បានធ្វើការរំលាយសភាចោលកាលពីឆ្នាំមុន នឹងដឹកនាំប្រទេសដោយក្រឹត្យច្បាប់ ខណៈកាលពីពេលថ្មីៗនេះ លោកបានកែប្រែ និងសរសេរឡើងវិញនូវរដ្ឋធម្មនុញ្ញថ្មី ដែលមានខ្លឹមសារបន្ថែមអំណាចច្រើនលើសលុបទៅកាន់ប្រធានាធិបតី ដែលទង្វើនេះទទូលបានការមិនពេញចិត្ត ​និងច្រានចោលដោយស្ទើរតែគ្រប់ភាគីគណបក្សនយោបាយ។ សម្រែកជ័យឃោសទាមទារឱ្យលោក Saied ចាកចេញពីតំណែងបានបន្លឺឡើងខ្ទរខ្ទារក្នុងចំណោមក្រុមអ្នកតវ៉ា។ 

កន្លងមក លោកប្រធានាធិបតី Kais Saied ដែលបានចូលកាន់តំណែងកាលពីខែតុលា ឆ្នាំ២០១៩ បានអះអាងថា អ្វីដែលលោកធ្វើគឺស្របទៅនឹងច្បាប់ ហើយវាមានភាពចាំបាច់ក្នុងការសង្គ្រោះប្រទេសទុយណេស៊ីចេញពីវិបត្តិដែលបានអូសបន្លាយពេលរាប់ឆ្នាំ ហើយលោកបន្ថែមថាលោកនឹងមិនក្លាយជាមេដឹកនាំផ្តាច់ការឡើយ។ 

ប្រជាជនទុយណេស៊ីមានការខកចិត្តកាន់តែខ្លាំងឡើងក្នុងរយៈពេលប៉ុន្មានឆ្នាំចុងក្រោយនេះ ចំពោះភាពជាប់គាំងនៃសេដ្ឋកិច្ចជាតិ និងវិបត្តិផ្នែកនយោបាយ ជាមួយនឹងសភាដែលបែងចែក និងរដ្ឋាភិបាលមិនស្ថិតស្ថេរមួយ។

ការបោះឆ្នោតបង្កើតសភាថ្មីនេះនឹងធ្វើឡើងនៅថ្ងៃទី១៧ ខែធ្នូខាងមុខនេះ សម្រាប់សភាថ្មីដែលមិនសូវមានអំណាច បង្កើតឡើងដោយរដ្ឋធម្មនុញ្ញរបស់លោក Saied ដែលត្រូវបានឆ្លងកាត់ការបោះឆ្នោតប្រជាមតិកាលពីខែកក្កដា ខណៈចំនួនអ្នកចូលរួមប្រជាមតិមានចំនួនតិចតួចប៉ុណ្ណោះ៕




ព័ត៌មានជាច្រើនទៀតសម្រាប់អ្នក