ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

គណៈកម្មាធិការសិទ្ធិមនុស្សមិនទាន់ទទួលបានបណ្ដឹងរាយការណ៍រំលោភសិទ្ធិមនុស្សណាមួយចេញពីពន្ធនាគារនោះទេ

  • ចុះផ្សាយថ្ងៃទី០៨ ខែធ្នូ ឆ្នាំ២០២២ ម៉ោង ១៧:០១ នាទី ដោយ Hun Sirivadh
  • 2368
  Aa |   aA

ភ្នំពេញ៖ ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានឱ្យដឹងថាគណៈកម្មាធិការមិនទាន់ទទួលបានបណ្ដឹងណាមួយចេញពីអ្នកជាប់ពន្ធនាគារទាក់ទងនឹងការរំលោភសិទ្ធិមនុស្សនៅឡើយទេ បន្ទាប់ពីបានដាក់ប្រអប់រាយការណ៍នៅតាមពន្ធនាគារចំនួន៣ នៅរាជធានីភ្នំពេញ។

ថ្លែងប្រាប់ក្រុមអ្នកសារព័ត៌មានក្នុងឱកាសប្រារព្ធពិធីអបអរខួប៧៥ឆ្នាំនៃទិវាសិទ្ធិមនុស្សអន្តរជាតិ ១០ធ្នូ នៅសាកលវិទ្យាល័យភូមិន្ទភ្នំពេញ ព្រឹកថ្ងៃទី៨ ខែធ្នូ ឆ្នាំ២០២២នេះ លោក កែវ រ៉េមី បានឱ្យដឹងថា បន្ទាប់ពីដាក់ប្រអប់រាយការណ៍នៅតាមពន្ធនាគារកាលពីចុងខែវិច្ឆិកាកន្លងទៅរហូតមកដល់ពេលបានបើកម្ដងហើយ ប៉ុន្ដែពុំមានបណ្ដឹងរាយការណ៍ណាមួយនោះទេ។ លោកថាការងារត្រូវការពេលបន្តទៀតព្រោះត្រូវការភាពជឿជាក់ និងការទុកចិត្តដែលពីអ្នករាយការណ៍។

លោកថា៖ «ជួនកាលគាត់នៅខ្លាច។ វាត្រូវការកសាងជំនឿជឿជាក់ ជំនឿទុកចិត្តត្រូវការប្រើពេលវេលាយូរ ក៏ប៉ុន្ដែបើយើងមិនបោះជំហានឈានទេ អញ្ចឹងអត់មានវិធានការអីទាំងអស់ [រងការិះគន់ពីពលរដ្ឋ] ថាធ្វើការអីស៊ីប្រាក់ខែទទួលប្រាក់បំណាច់ពីរដ្ឋ។ សំខាន់យើងត្រូវមានអីបង្កើ់តថ្មីមានគំនិតក្នុងការច្នៃប្រឌិត ធ្វើការរៀបចំ លើកស្ទួយ និងការពារសិទ្ធិមនុស្ស ជួយដល់រដ្ឋាភិបាល ដើម្បីផ្ដល់នូវយុត្តិធម៌ក្នុងសង្គម»។

គួរឱ្យដឹងផងដែរថា គណៈកម្មាធិការសិទ្ធិមនុស្សកម្ពុជាបានសាកល្បងដាក់ប្រអប់បណ្ដឹងរបស់គណៈកម្មាធិការនៅតាមពន្ធនាគារ និងមណ្ឌលកែប្រែចំនួន៣ នៅរាជធានី កាលពីថ្ងៃទី២៤ ខែវិច្ឆិកា ឆ្នាំ២០២២ ក្នុងគោលបំណងលើកកម្ពស់ ការគោរព និងការពារសិទ្ធិ សេរីភាពរបស់ជនជាប់ឃុំ។ តាមរយៈប្រអប់បណ្ដឹងនេះ ជនជាប់ឃុំគ្រប់រូបអាចដាក់ពាក្យប្ដឹងតវ៉ាដោយសម្ងាត់ ពាក់ព័ន្ធនឹងភាពមិនប្រក្រតីនានាក្នុងពន្ធនាគារ ក៏ដូចជាការអនុវត្តនូវសិទ្ធិ សេរីភាពរបស់ខ្លួនជូនគណៈកម្មាធិការសិទ្ធិមនុស្សកម្ពជាពិនិត្យ អង្កេត និងដោះស្រាយ។

នាពេលអនាគតប្រអប់បណ្ដឹងនេះនឹងត្រូវដាក់ពង្រាយតាមពន្ធនាគារនានាទូទាំងប្រទេសផងដែរ៕


ព័ត៌មានជាច្រើនទៀតសម្រាប់អ្នក